2018 jylǵy 25 qazanda Qazaqstan Respýblıkasynyń Bas prokýratýrasy sottyń sanksıasy boıynsha «RBK Bank» AQ burynǵy basqarýshy dırektory Asylbek Igilmandy tutqyndady, dep jazady Qamshy.kz aqparat agenttigi. Bul týraly Bas prokýratýranyń baspasóz qyzmeti habarlady. 

«Ol «RBK Bank» AQ dırektorlar keńesi ókiliniń burynǵy keńesshisi Jomart Ertaevpen sóz baılasyp, zańsyz nesıe resimdeý arqyly banktiń 850 mln teńge kólemindegi aqshalaı qarajattyn jymqyrdy degen kúdikke ilikti», - delingen habarlamada.

♦"Jomart Ertaev otbasyńmen birge baýyzdap tastaımyn dep qorqytty" - Evgenıı Pak

♦Máskeýde ustalǵan kásipker Jomart Ertaevtyń áıeli syrttaı tutqyndaldy

Asylbek Igilman bul qarajattyń 15 myń teńgesi bar depozıttik esepti kepildikke usynyp, 2013 jyly alǵan. Urlanǵan qarajattar banktiń top-menedjmenti jáne jumysshylary arasynda bonýs túrinde bóliske salynypty. Asylbek óziniń úlesine Almaty qalasynyń qymbat aýdanynan 288 mıllıon teńgeniń úıin salyp alǵan, alaıda qazir onyń úıi de arestke qoıyldy. Buryn bul  banktiń top-menedjerleri - Danıar Týǵanbaı, Danıar Edigenev, Rýslan Batyrbaev jáne Baqyt Ibragımderdi ustalǵan bolatyn. Olar óz aıybyn moıyndap, keltirilgen zalaldy óteýge atsalysyp jatyr.