QR İİM Qalmuhamet Qasymov polıseılerge qoıylatyn talaptardy ózgertpek. Aldaǵy ýaqytta semirip ketken polısıa qyzmetkerlerin kórmeýimiz ábden múmkin dep jazady Qamshy.kz aqparat agenttigi.  Sebebi QR İshki ister mınıstri semire bastaǵan polıseılerden jumystan ketýdi suraıdy.

«Biz polısıa qyzmetkerleriniń formasyn tym resmı bolǵandyqtan ǵana aýystyramyz. Sońǵy ret 2001 jyly formany aýystyrdyq. Bizde de ortaq talaptar bar. Polıseıler fızıkalyq daıyndyqtan ótedi. Semire bastaǵan polısıa qyzmetkerleri jumystan ketedi. Biz qazir kıimdi ǵana emes, jumys barysyn, qurylymyn ózgertip, front keńseler salyp jatyrmyz. Biraq sizder tek kıimge tirelip qalǵan sekildisizder. Formany áli eshkimge kórsetpedik. Ol áli tigilip jatyr», dedi mınıstr.

Sonymen birge mınıstr polısıa qyzmetkerleri biraz ýaqyttan beri formany aýystyrý týraly ótinish aıtyp kelgen.

Qasymovtyń semirgen polısıa qyzmetkerlerin jumystan bosatýy týraly málimdemesin qos qoldap qoldaýǵa bolady. Sonymen birge mınıstrliktiń formasymen birge qyzmet kórsetý sapasy da ózgerse nur ústine nur bolar edi.