Qytaı bıligi birneshe jyldan keıin  Antarktıdada muz ústinde áýejaı salýdy kózdep otyr. Al munyń qajeti ne dersiz? Birneshe alpaýyt memleketter shırek ǵasyr boıy Antarktıdaǵa aýyz salyp, mundaǵy mol baılyqty ıemdenýge tyrysyp jatyr. Reseı úkimeti muzdy óńirge arnaıy ekspedısıa jiberip, qazirdiń ózinde bul jobany qiri kólemde qarjylandyryp otyr.  Óıtkeni  atalǵan muzdy aımaqta munaıdyń mol qory bar. Sondyqtan taıaýdaǵy bolashaqta Antarktıdadaǵa kelgen týrısik toptar men arnaıy ekspedısıa mamandary qytaılyqtar salǵan áýejaıǵa qonatyn bolady.

Qytaıdyń «Keszı jıbao» basylymynyń habarlaýynsha, áýejaıda ushý jolaǵy men áýe termınaly ornalasady. Oǵan biraq birneshe jyl ýaqyt ketedi. Alaıda muz ústine áýejaıdy salý úshin aldymen birneshe memleketpen kelisip alý  qajet.  Óıtkeni áýe jolynyń qashyqtyǵy uzaq bolýyna  qatysty Antarktıdaǵa jetkenshe, Qytaıdyń Súeın 601” ushaǵy birneshe jerge aıaldaýy kerek.

Eskerte keteıik, Antarktıdanyń jer kólemi – 14 mıllıon sharshy shaqyrym. Mundaǵy muzdyń qalyńdyǵy – 5000 metr. Ázirge muz basqan ólkede shamamen alǵanda, 7 mıllıard tonna munaı men 4 trıllıon tekshemetr gaz bary anyqtalyp otyr