«Túrikmen tórin bermeıdi» deýshi edi. Solaı bolyp tur, shyndyǵynda. Túrikmenstannyń prezıdenti Gýrbanǵuly Berdimuhamedov jaqynda 520 myń dollarǵa satyp alǵan kóligin synaqtan ótkizdi. Al halqy bolsa, kedeı. Dúkende nannyń kezegine turǵandar kóbeıip barady. Keıbir áńgimelerge qaraǵanda, buryn tegin paıdalanylyp kelgen elektr qýaty men «kógildir otyn» endi aqyly bolyp jatyr. Soǵan qaraǵanda, bar-joǵy 4-5 mıllıon halqy bar memleketti asyraý ońaıǵa soqpaı turǵan sıaqty.

Biraq Gýrbanǵuly Berdimuhamedovtyń jaǵdaıy jaqsy. Jaqynda ózi satyp alǵan kólikti qaıtadan jóndeýden ótkizdi. Túrikmenniń qum jolynda baǵyn synap ta kórdi. Yldı men qyrǵa qınalmaı shyǵatyn avtokólik Prezıdent Berdimuhamedovke unaǵan sıaqty. Az-kem jóndeýden keıin túrikmen basshysy osy kólikpen «Amýl-Hazar» avtorallı jarysyna qatysyp  kórmek.

Túrikmen prezıdentiniń túrine qarasań,  el turǵyndary baqytty ómirdi bastan keship jatqan sıaqty. Túrikmenniń aqalteke arǵymaǵyna minip, avtorallı jarysyna qatysýǵa daıyn otyrǵan prezıdent ótkende  taǵy da bala-shaǵasymen birge «Avaza» týrısik aımaǵyna baryp, demalyp qaıtty.

♦ Túrikmenstanda taǵy da nan joq

♦ Túrikmenstan bıligi azyq-túlik kartochkalaryn engizýge jaqyn

«Bul demalystan keıin bizdiń patshanyń shyǵarmashylyq qýaty artyp, dúnıege ǵalamat týyndylar ákeletinine senimimiz asamol. Jasaı bersin, bizdiń Arkadag», –dep jazdy «Hronıka Týrkmenıstana» basylymy. Gıtarada sheber oınap, janynan án shyǵaratyn Berdimuhamedovtyń ańyz ǵyp aıtar mundaı «aıshyqty isteri» óte kóp.

«Byltyr eldegi qara mashınalardy túgeldeı aq túske boıatqan «Arkadag» qazir oıyna kelgenin istep júr» desek, qatelespeımiz.

...Beıtarap eldiń baqytty prezıdenti biraq jeke basqa tabynǵan halqynyń beıshara taǵdyryna alańdaı ma eken?!