Qazaqstan halqy assambleıasynyń bastamasymen elimizdiń barlyq óńirinde «Men qazaqsha sóıleımin» atty aksıa bastaldy, dep habarlaıdy Qamshy.kz aqparat agenttigi. 

Borodýlıha aýdanynyń tilderdi damytý basqarmasy men Shyǵys Qazaqstan oblysyndaǵy Qazaqstan halqy assambleıasy birlesip «Qazaqstannyń bolashaǵy – qazaq tilinde» atty konkýrsty bastap, memlekettik tildiń mereıin ústem etý jolynda birneshe is-shara uıymdastyrdy.

Konkýrstyń saltanatty ashylý rásimi Mádenıet úıinde ótti. Oǵan Shyǵys Qazaqstan oblysyndaǵy Qazaqstan halqy assambleıasynyń sekretarıat meńgerýshisi Asqar Nurǵazıev pen «Nur Otan» partıasynyń Borodýlıha aýdanyndaǵy bólimshesiniń tóraǵasy Sáýle Ýrasheva qatysty.

Rıdder, Óskemen, Kýrchatov jastary ıntellektýaldyq shoýynda qazaq tilin erkin meńgergenin kórsetti. Báıge 3 bólimnen turdy. Qazylar alqasyna sheshim qabyldaý qıynǵa soqty. Sebebi bul báıgede barlyq qatysýshylar memlekettik tildi erkin meńgergenderin kórsete bildi.

Shemonaıha aýdany turǵyny Elena Pıkýnova úshinshi oryn aldy. Ekinshi oryndy Ekaterına Beısembaeva aldy. Ol da Shemonaıha aýdany turǵyny. Indıra Belskaıa úshinshi oryndy qanjyǵasyna baılady. Qazylar alqasy bir aýyzdan gran-prıdi Angelına Býbnovoǵa berdi. Angelına Óskemendegi kolejderdiń birinde oqıdy.

Atalmysh báıgemen qatar memlekettik organdar men aksıa qatysýshylaryna «Ana tili – júrek úni» atty qazaq tilinen sabaq ótkizildi.

«Men qazaqsha sóıleımin» aksıasy Mádenıet úıindegi konsertpen aıaqtaldy. Aksıanyń saltanatty jabylý saltanatynda úzdik qatysýshylar marapattaldy.