Atyraý qalasy Tomarly aýylyndaǵy 2 aı buryn jerlengen azamat úıine oraldy dep jazady Qamshy.kz aqparat agenttigi azh.kz saıtynyń deregin negizge alyp.
20 maýsymda 63 jastaǵy Aıǵalı Sýpýǵalıev úıden shyǵyp ketip iz-túzsiz joǵalyp ketken. Ol buryn birneshe apta boıy úıge kelmeı júretin. Sol sebepti Aıǵalıdyń inisi 9 shildede ǵana polısıaǵa aǵasynyń joǵalyp ketkeni týraly aryz jazǵan. Aıǵalı Sýpýǵalıevtyń óz otbasy joq. Araǵa biraz ýaqyt salyp polısıa qyzmetkerleri Aıǵalıdyń jaqyn týystaryn máıithanaǵa shaqyrady. Jaz mezgilindegi qatty ystyqtyń kesirinen máıitti birden taný múmkin bolmady. Alaıda DNQ saraptamasy 99,92 paıyzdy kórsetip, Aıǵalı Sýpýǵalıevtiń qaıtys bolǵany rastalǵan.
"Saraptama qorytyndysy qaıtys bolǵan meniń aǵam ekenin rastady. Biz máıitti úıge ákelip, musylmansha jerleý rásimin ótkizdik. Qaıtys bolǵany týraly qujatty da alǵan bolatynbyz. Al Amanǵalı úıge kelgen kezde meniń qyzym júrek talmasynan ómirimen qosh aıtysa jazdady", deıdi Aıǵalıdyń aǵasy.
Al Aıǵalı Sýpýǵalıev úıden shyǵyp ketkennen keıin Dına bazarynda bir adammen tanysady. Ol qala mańyndaǵy sharýaqojalyqta 4 aı jumys isteýge shaqyryp, usynys jasaıdy. Amanǵalı birden kelisip, 4 aı jumysyn aıaqtaǵan soń úıge qaıtyp oralady. Ol Atyraý qalasyna deıin jaıaý kelgen. Qazir Amanǵalıdyń týystary qujattardy rettep, ózderi jerlegen adamnyń kim ekenin bilgisi kelip otyr.
Al DNQ saraptamasyn júrgizgen sarapshy Aqmaral Jubatyrova bul jaıt boıynsha aqparat berýden bas tartty. Onyń aıtýy boıynsha, máıittiń naqty kim ekenin DNQ saraptamasynyń nátıjesimen ǵana anyqtaýǵa bolmaıdy eken.
"Sebebi saraptama nátıjesindegi rastalmaǵan 0,8 paıyzdy da umytpaý kerek. Al qazir meniń qandaı da bir aqparat berýge quqyǵym joq", deıdi sarapshy.
Aıǵalıdyń týystary bul jaıt boıynsha sotqy aryz jazyp, qujattardy retke keltirýdi josparlap otyr.
