Qalaǵa qoqysty suryptap jınaıtyn jáshikter qoıyla bastady. Alǵashqysy 5 shaǵynaýdan 8 úıdiń janyna ornatyldy. Onyń ereksheligi – plasık, shyny, qaǵazdar men qatty turmystyq qaldyqtaryna arnalǵan bólek-bólek bólimderi bar. Túrli-tústi konteınerlerdi "Caspi operating" JSHS ornatqan. Bul týraly Aqtaý qalasy ákimdiginiń baspasóz qyzmeti habarlady.

mangystaumedia.kz málimetinshe, konteınerdiń balanyń boıy jetetindeı, yńǵaıly qoqys salǵyshy da bar.

-Aldymen bul konteıner qalaı jumys jasaıtynyn baqylaımyz. Odan jaqsy nátıje bolsa, ózge shaǵynaýdandarǵa ornatatyn bolamyz. Biz sondaı-aq Baıandy aýylynda da qoqysty bólek suryptap salatyn konteıner ornatýǵa kelisimshartqa otyrdyq. Aldaǵy ýaqytta tanystyrylymy ótetin bolady», — deıdi «Caspiy operating» JSHS dırektorynyń orynbasary Ádilet Pirimqulov.

15 qarashada túrli-tústi jáshiktiń tanystyrylymy ótpek. Aldaǵy ýaqytta qalanyń basqa da aýdandaryna qoıylatyn bolady.