Bul jóninde oblys ákimdigi ǵımaratynda ótken apparat jıynynda ekonomıka jáne búdjetti josparlaý basqarmasynyń basshysy Marına Álbekova málimdedi.

2018 jyldyń 9 aı ishindegi áleýmettik-ekonomıkalyq damý qorytyndysy týraly baıandaǵan basqarma basshysy «Bıznestiń jol kartasy-2020» baǵdarlamasy aıasynda jyl basynan beri quny 100,0 mıllıon teńge bolatyn 61 joba maquldanǵanyn jetkizdi.

Sondaı-aq 2018 jyly kásipkerlikti qoldaý kartasynyń aıasynda jalpy somasy 2,4 mıllıard teńgeni quraıtyn jáne 73 jańa turaqty jumys ornymen qamtamasyz etetin 3 jobany engizý josparlanǵan.

Mıkronesıeleý uıymdary men «DAMÝ» kásipkerlikti damytý qorynan» AQ 867,4 mıllıon teńge bolatyn 184 mıkronesıe berilgen. Nátıjesinde 270 jańa jumys orny qurylǵan.

«Al «Nur kapıtal» baǵdarlamasy boıynsha kásipkerlerge 1% paıyzdyq ústemaqymen jyl basynan beri 192 joba maquldanyp, 2,9 mıllıard teńge nesıe berildi. Bul baǵdarlama 1 600 jumys ornyn qurýǵa sep boldy. Jalpy oblys boıynsha 28625 jańa jumys orny paıda boldy. Ólkedegi jumyssyzdyq 4,8 paıyzdy qurap otyr», - dedi Marına Álbekova.