Yessenov University qabyrǵasynda ótken "I Halyqaralyq Esenov oqýlary" aıasynda elektromobılderine arnalǵan alǵashqy elektr qýattandyrý stansıasynyń ashylý rásimi ótti. Mańǵyystaý oblysy ákimi baspasóz qyzmetiniń málimetinshe, ýnıversıtettiń bas korpýsynyń aldyna ornatylǵan 2 Stansıa atalmysh oqý ordasynyń ǵalymdarynyń eńbegimen jasaqtalǵan. Olardyń tolyq zarádtaý sıkli nebári 3 saǵatty quraıdy. Elektromobılder ýnıversıtettiń ishki paıdalanýy úshin alynǵan.

Halyqaralyq Esenov oqýlaryna Mańǵystaý oblysynyń ákimi Eraly Toǵjanov, 2007 j. Nobel syılyǵynyń laýreaty Radjendra Kýmar Pachaýrı, Pýtra ýnıversıtetiniń (Malaızıa) komýnıkasıalyq tehnologıalar jáne jeli kafedrasynyń, kompúterlik ǵylymdar jáne aqparattyq tehnologıalar fakúltetiniń profesory Mohamed Bın Otman arnaıy qatysty. "Rýhanı jańǵyrý" baǵdarlamasynyń mindetterin júzege asyrý aıasynda ótkiziletin Esenov oqýlarynda stýdentter men jas ǵalymdar úshin "Sıfrlyq Qazaqstan: Aqparattyq júıeler jáne energetıka", "Kaspıı konvensıasy: aımaqtyń saıası-quqyqtyq damý úrdisteri" jáne t.b. taqyryptar boıynsha ǵylymı-tájirıbelik konferensıa, "Yessenov University úzdik startap jobasy" baıqaýy ótti.

Shara barysynda Yessenov University rektory Berik Ahmetov aımaq basshysyna aýdarylmaly synyp tehnologıasyn tanystyrdy. Bul oqý ornynyń stýdentteri dáristerge kelmeı, barlyq sabaqty Internettegi arnaıy arnadan kóre alady. Dáristiń ornyna olar semınarlarǵa qatysyp, úı tapsyrmalaryn tájirıbe júzinde oryndaı alady. "I Halyqaralyq Esenov oqýlarynyń" ekinshi kúni munaıshy-geolog Halel Ózbekǵalıevtiń 90 jyldyǵyna arnalǵan kitaptyń tusaýkeseri jáne "Yessenov University úzdik jas ǵalymy "atty baıqaý ótkizildi