Salaýatty ómir saltyn nasıhattaǵan «Densaýlyq festıvali» 15 shaǵynaýdandaǵy teńiz jaǵalaýynda ótti. Senbiniń tańynda jaǵalaýda jattyǵý jasaýǵa 250 turǵyn jınaldy. Aqtaý qalalyq ákimdigi baspasóz qyzmetiniń málimetinshe, olarǵa fıtnes jattyqtyrýshylar dene shynyqtyrýǵa arnalǵan baǵdarlama ázirlegen. Sol boıynsha jınalǵan qaýym kásipqoı sportshylardyń jetekshiligimen keshendi jattyǵý oryndady.
Sergitý jattyǵýymen bastalǵan festıvál aıasynda meısınalyq qalashyq uıymdastyryldy. Onda kardıolog, onkolog, psıholog, terapevt jáne durys tamaqtaný salasy mamandary boldy. Festıvál qatysýshylary mamandardan tegin keńes alyp, medısınalyq tekseristen ótti.
