Bul jóninde Mańǵystaý oblysy ákimi Eraly Toǵjanovtyń qatysýymen aparattyq jıynda aıtyldy. Mańǵystaý oblysynda jyl basynan beri 26,6 myń jańa jumys orny ashylǵan. Onyń 85% turaqty negizde.

«Agroónerkásip keshenin damytý úshin 341 jobaǵa 1 244,89 mln. teńge bólindi, onyń ishinde 712 500 mln. tengeni quraıtyn 187 joba iske asyryldy», — dedi oblystyń aýyl sharýashylyǵy basqarmasynyń basshysy Serik Qaldyǵul.

Al Shaǵyn jáne orta bıznes salasynda 2017-2021 jyldarǵa arnalǵan «Eńbek» nátıjeli jumyspen qamtýdy jáne jappaı kásipkerlikti damytý baǵdarlamasyn iske asyrý nátıjesinde 543,3 mln.tengeni quraıtyn 37 joba, 103 jumys ornyn qurý kózdelgenin jetkizdi kásipkerlik jáne saýda basqarmasynyń basshysy Venera Mustapaeva.

Sondaı-aq basqarma basshysy Aqtaý jáne Jańaózen qalalarynda shaǵyn nesıeleýge 543 263 myń teńge bólingenin jáne onyń 2017 jylǵa qaraǵanda 2,2 ese kóp ekenin aıtty.

Mańǵystaý oblysy ákiminiń baspasóz qyzmetiniń habarlaýynsha, jalpy, jyl basynan beri 26,6 myń jańa jumys orny ashylsa, onyń ishinde 85% turaqty negizde. Oblys boıynsha baǵdarlama aıasynda 19,1 myń adam, onyń 13,9 myńy turaqty jumys oryndaryna ornalastyrylǵan.

«Halyqtyń tabys deńgeıin arttyrý tarmaǵy boıynsha búgingi kúni oblysta tabysy 42,5 myń teńgeden kem 39 889 qyzmetkerge tómen eńbekaqy tólenedi. Búdjettik uıymdarda jalaqysy tómen 24 251 qyzmetkerdiń jalaqysyn arttyrýǵa 2019 jylǵa arnalǵan respýblıkalyq búdjetten 3,2 mlrd.teńge kózdelgen», — dep atap ótti ekonomıka jáne búdjettik josparlaý basqarmasynyń basshysy Marına Álbekova.

Sonymen qatar, oblysta 50 kompanıa jalaqysy tómen qyzmetkerlerge jalaqy mólsherin arttyrýǵa daıyn ekendikterin málimdep otyr.