Kaspıı mańy elderinen kelgen jáne jergilikti jýrnalıserden qurylǵan halyqaralyq teleekspedısıa "Óz kózińmen" dep ataldy. «Rýhanı jańǵyrý» baǵdarlamasy aıasynda ótip jatqan joba týraly baspasóz klýbynda bolǵan konferensıada aıtyldy.

Túrikmenstan, Ázerbaıjan, Reseı jáne Qazaqstannan jınalǵan top Atyraý óńiriniń kıeli jerleri men tarıhı-mádenı oryndaryn bir nysannan ekinshi nysanǵa jaıaý barý arqyly tamashalady. Sheteldik azamattar  sapar barysynda halyqtyń turmys-tirshiligimen,  dala shejiresimen, kórnekti tulǵalarymen tanysty. Olar osyǵan deıin Imanqara úńgiri, Aqmeshit, Qulshan ata jerasty meshiti, Araltóbe qorymy, Taskeshý kerýen saraıyn aralady. Sóıtip, ólkemizde tuńǵysh ret jaıaý týrısik marshrýt joly salyndy. Kelgen qonaqtar alǵan áserlerimen jáne osyndaı aýqymdy jobany óz elderinde ótkizý jónindegi oılarymen bólisti. Olardy jergilikti halyqtyń qonaqjaılylyǵy men darhandyǵy, óz eliniń tarıhı tamyryn tereń bilýi tań qaldyrǵan. Sonymen birge, barlyq tarıhı eskertkishterdiń memleket qorǵaýynda ekenine tánti bolǵan. Túsirilim toby jumysyn aıaqtaǵannan keıin sol elderdiń telearnalarynan kórsetiletin 20 mınýttyq 12 fılm daıyndalatyn bolady.