Aǵylshyndardyń bizge degen ókpesi qara qazandaı. Óıtkeni, Londonda ótetin Dımashtyń konsertine bılet tappaı dal. Bul týraly qazaqtyń maqtanyshyna aınalǵan Dımash Qudaıbergendi qabyldaǵan Mádenıet jáne sport mınıstri aıtty. Londonǵa bizdiń Dımashty tyńdaýǵa álemniń 40 memleketinen kórermen keledi dep jazady Qamshy.kz aqparat agenttigi Qazaqstan Ulttyq arnasynyń deregin negizge alyp. 

Dımash Qudaıbergen 19 qarasha kúni Londonda ótetin konsertke tas-túıin daıyn. Synalatyn tusy da osy. Óıtkeni, án keshine álemniń 40 elinen kórermen keledi. Shyrqalatyn shyǵarmalardyń 60 paıyzy qazaq tilinde oryndalady. 

"Kindik qanym tamǵan jerde qazaqtyń uly tulǵalary tyń dúnıelerdi jaryqqa shyǵardy, al, biz, ánshiler múmkindiginshe ol týyndylardy nasıhattaýymyz kerek. Meniń de maqsatym sol. Sondyqtan, qazaqtyń halyq ánderi kóptep shyrqalatynyna kúmán keltirmeńiz. Jańa ánder de bar. Onyń qupıasyn sizderge tolyq ashqym kelmeıdi. Óıtkeni, ony konsertte kórermender birinshi tyńdasa deımin", deıdi Dımash Qudaıbergenov.

Bir jaǵy Dımash tumandy albıon eline jan dosy, Olımpıada júldegeri Denıs Tenniń armanyn oryndaý úshin bara jatyr. 

"Meniń kelesi konsertimde ekeýmiz Beıjińde nemese basqa elde úlken stadıonda konsert berip, «S.O.S» ánimen tandemde shyǵamyz dep armaǵandaǵan bolatynbyz. Endi Londonda ol ándi men ózim ǵana oryndaımyn", dedi Dımash. Dımash búgin jolǵa shyǵady.