Aldaǵy 7 jylda Samat Smaqov «Aqtóbe» fýtbol klýbynyń qojaıyny atanatyn boldy.  

«Qazaqstan Úkimetiniń 2015 jylǵy 30 jeltoqsandaǵy №1141 qaýlysyna sáıkes, 2016-2020 jyldarǵa arnalǵan jekeshelendirýdiń keshendi jospary bekitildi. Aqtóbe oblysy boıynsha jekeshelendirý nysandarynyń tizimine toǵyz komýnaldyq-jekemenshik nysany kirdi. Onyń ishinde «Aqtóbe» fýtbol klýby da bar. «Aqtóbe» fýtbol klýbynyń elektrondy saýdasy úsh ret ótkizildi. 2018 jyly 20 qarashada ótken saýda-sattyqtyń nátıjesi boıynsha Samat Kabıruly Smaqov jeńimpaz atandy. Ol úshinshi saýda- sattyqtyń jalǵyz qatysýshysy boldy». Bul týraly oblys ákiminiń baspasóz qyzmeti málim etti

Klýb 108 mıllıon teńgege senimgerlik basqarýǵa berildi. Bastapqy quny 100 mıllıon teńge bolatyn. Kelisim boıynsha Premer-lıganyń klýbtaryna qoıylatyn reglamentterge sáıkes, klýbtyń barlyq qajetti jarystar men saıystarǵa qatysýyn qamtamasyz etý (QR Chempıonaty, QR Kýbogynyń oıyndary, Premer-Lıga klýbtary qosalqy quramdarynyń týrnıri, PFL Kýbogy, Premer-Lıga klýbtarynyń jasóspirimder men jastar komandalary, birinshi Lıga jáne mını fýtbol komandasy arasyndaǵy QR birinshiligi), sonymen qatar, ÝEFA saıysyna qatysý týraly quqyǵyn alǵan jaǵdaıda jarysqa barý mindetteledi.

Erejege sáıkes, qazirgi kadrdyń 75 paıyzyn saqtap, ǵımaratqa jóndeý jumystaryn júrgizý qajet. Kredıtorlyq bereshekterdi óteý, kredıtorlyq jáne debıtorlyq bereshektiń negizsiz qalyptasýyna jol bermeý, nysandy kredıtorlyq jáne debıtorlyq bereshekterimen qabyldaý, balalar, onyń ishinde Aqtóbe oblysynyń aýdandarynda balalar fýtbolyn damytý talaby qoıyldy.