Nursultan Nazarbaev Parlament Májilisiniń depýtaty, «Aq jol» demokratıalyq partıasy fraksıasynyń jetekshisi Azat Perýashevty qabyldady.
Partıa tóraǵasy kezdesý barysynda Memleket basshysyna «Aq jol» QDP men onyń Parlament Májilisindegi fraksıasynyń jumysy jóninde málimet berdi.
Prezıdent «Aq jol» demokratıalyq partıasynyń memlekettik saıasatty júzege asyryp, onyń negizgi basymdyqtaryn halyqqa túsindirý isindegi rólin aıryqsha atap ótti.
- Siz elimizdegi tájirıbeli Parlament depýtattarynyń biri retinde uzaq jyldardan beri «Aq jol» partıasyna basshylyq etip kelesiz. Partıalaryńyz naqty jumystar atqarýda. Memlekettiń júrgizip jatqan saıasatyna qoldaý bildirip, halyq birligin nyǵaıtý jolynda zor úles qosyp kelesizder, - dedi Elbasy.
A.Perýashev partıa fraksıasynyń bıylǵy Joldaýdyń negizgi baǵyttaryn oryndaý, sonyń ishinde «Bıznestiń jol kartasy-2020», «Indýstrıalyq-ınnovasıalyq damý» baǵdarlamalaryn odan ári júzege asyrýǵa jáne otandyq bıznesti qoldaý maqsatymen qabyldanatyn sharalarǵa qatysty usynystar engizý jónindegi jumystaryn aıtyp ótti.
