QR Qorǵanys mınıstrliginiń aqparattyq saıasatyn tıimdi júrgizgeni jáne qazaqstan áskeriniń bedelin nyǵaıtýda qosqan úlesi úshin Almaty oblysynyń birqatar tilshileri gramotalarmen marapattaldy.

Qazaqstan Respýblıkasy Tuńǵysh Prezıdenti kúnine oraı Almaty oblysy Qorǵanys isteri jónindegi departamentinde saltanatty jıyn bolyp ótti. Jergilikti áskerı basqarý organy bastyǵynyń mindetin ýaqytsha atqarýshy podpolkovnık Seıiljan Bekmuratov Qarýly Kúshterdiń tynys-tirshiligin jarıalaýda qosqan úlesteri úshin qylqalam sheberlerine alǵysyn bildirip, «Jetisý» telearnasynyń bas redaktory Nazgúl Boshandy Qorǵanys mınıstri Nurlan Ermekbaevtyń atynan kelip túsken gramotamen marapattady.

Sondaı-aq, «Tinfo» jelilik agenttiginiń bas redaktory Dıas Beısenbek, Qalmahanbet Muqametqalı («Egemen Qazaqstan» gazeti), Irına Karákına («Ognı Alataý» gazeti), Máýlen Ánerbaı «Jetisý» gazeti), Gúlmıra Temirǵalıeva («Dıalog-Jetysý»), Alma Orazaeva («Taldykorgan-online.kz») syndy birqatar jýrnalıser Almaty oblysy Qorǵanys isteri jónindegi departamenti bastyǵynyń gramotalarymen marapattaldy.

* Biz Qazaqstandyq áskerlerdiń tynys-tirshiligin kásibı turǵyda jarıalap kele jatqan úzdik tilshilerdi marapattadyq. Aldaǵy ýaqytta da birlese jumys atqaryp, ózara yntymaqtastyǵymyz arta beredi degen senimdemin, - dep atap ótti Almaty oblysy QİD baspasóz qyzmetiniń bastyǵy leıtenant Janar Ámirjanova.