Qazaqstan chempıonatyna elimizdiń barlyq óńirinen 206 boksshy qatysady dep josparlanǵan. Sondaı-aq álemdik dodalarda top jaryp júrgen Qaırat Eralıev, Vasılıı Levıt, Ábilhan Amanqul, Aslanbek Shymbergenov, Bekdáýlet Ibragımov, Abylaıhan Júsipov, Temirtas Júsipov, İlıas Súleımenov, Erik Áljanov jáne aǵaıyndy Tóltaevtar da baq synamaq.

Jarys Aqtaý qalasynyń 55 jylǵy aıasynda ótkeli jatqan jarysqa  Olımpıada chempıondary Baqtıar Artaev, Ermahan Ibraımov, Serik Sapıev, júldegerleri Qanat Islam, Bolat Jumadilov, Serik Eleýov, álem chempıondary Galıb Djabarov, Birjan Jaqyp, Azıa oıyndarynyń chempıony Nurjan Kárimjanov arnaıy qonaq bop kelmek.

11 qarasha kúni jarys aldynda baspasóz otyrysy ótti. Oǵan QR bokstan Ulttyq qurama komandasynyń bas jattyqtyrýshysy Myrzaǵalı Aıtjanov, Mańǵystaý oblysy boıynsha boks federasıasynyń Prezıdenti Marat Ormanov, Mańǵystaý oblystyq sport basqarmasy basshysynyń m.a. Nurbek Qarabalaev qatysty.

-Bıyl Mańǵystaýda 600 sporttyq shara josparlanǵan bolatyn. Onyń ishinde 53 halyqaralyq jáne respýblıkalyq deńgeıdegi jarystar. Eń mańyzdylarynyń biri – osy Bokstan Qazaqstan chempıonaty. Bul jarys Mańǵystaý tarıhynda birinshi ret osy óńirde ótip jatyr. Osy chempıonattan keıin Qazaqstannyń quramasy quralatyn bolady, - deıdi Mańǵystaý oblystyq sport basqarmasy basshysynyń m.a. Nurbek Qarabalaev.

Chempıon atanǵan boksshylar 2019 jyly ótetin Azıa jáne Álem chempıonattaryna qatysý múmkindigine ıe bolady. Al Álem chempıonatynda 2020 jylǵy Tokıo olımpıadasynyń joldamasy sarapqa salynady. Jarys «Mańǵystaý Arena» sport kesheninde 12-18 qarasha aralyǵynda ótedi.