Bul jóninde Mańǵystaý oblysynyń  ákimi Eraly Toǵjanovtyń qatysýymen ótken apparat keńesinde aıtyldy. Mańǵystaý oblysy boıynsha jer qoınaýyn paıdalaný jáne geologıa ınspeksıasynyń basshysy Almagúl Kelbet pen  jer qatynastary basqarmasynyń basshysy Esemurat Dúzmaǵambetov geologıa salasy men jer qoınaýyn paıdalanýdyń damýy týraly baıandama jasady.

-Mańǵystaý oblysynyń aýmaǵynda barlyǵy 251 jer qoınaýyn paıdalanýshy barlaý men óndirýdi júzege asyrady. Qazaqstan Respýblıkasy Investısıalar jáne damý mınıstrligi bekitken 2018 jyldyń birinshi jarty jyldyǵynda 27 ishinara tekserý josparlanǵany týraly málimdedi. Barlyǵy KSSH (kómirsýtek shıkizaty) boıynsha 7 tekserý, KTPQ (Keń taralǵan paıdaly qazbalar) boıynsha 12 tekserý, JS (Jerasty sýlary) boıynsha 2 tekserý júrgizilgen. «Batysqazjerqoınaýy» ÓD Mańǵystaý óńirlik ınspeksıasy boıynsha 2018 jyldyń birinshi jartyjyldyǵynda 5 844 150 teńge aıyppul salyndy, - dedi E.Dúzmaǵambetov.

Oblysta metal emes paıdaly qazbalar—kómir, fosforıtter, bor, qurylys tastary, kirpish sazdaqtar, keramzıt jáne bentonıt sazdary jáne basqalary bar ekenin jetkizgen baıandamashy ashylǵan ken oryndarynyń 90%-dan astamyn jer qoınaýyn paıdalanýshylar óndirip jatqanyn jetkizdi.

Mańǵystaý oblysynda jer qoınaýyn paıdalanýǵa arnalǵan 314 kelisim-shart jumys isteıdi.

Jer qatynastary basqarmasynyń basshysy Esemurat Dúzmaǵambetovtyń aıýynsha, búgingi kúni monıtorıń qorytyndysy negizinde oblysta tirkelgen 241 jer qoınaýyn paıdalanýshynyń 165 ýchaskesinde kelisim-sharttan tys paıdalanylǵan aımaqtar kórsetilgen. Qazirgi kezde, kásiporyndardyń balansyndaǵy paıdaly qazbalar qory: Kespe qurylys tas(áktas- ulýtas)147 mıllıon tekshe metr; qurylys qıyrshyq tas 215 mıllıon tekshe metr; qum-qıyrshyq tas qospasy 88 mıllıon tekshe metr; bordyń qory 125 mıllıon tekshe metrdi quraıdy.