Mańǵystaý oblysy ákiminiń apparat jıynynda energetıka jáne turǵyn úı-kommýnaldyq sharýashylyq basqarmasy basshysynyń mindetin atqarýshy Jandos Salımov energıa tıimdiligimen energıa únemdeýdi arttyrý sharalary týraly máseleni málimdedi.

«Aǵymdaǵy jyly «Elektr energıasyn jáne energıa únemdeýdi damytý ınstıtýty» (Qazaqenergosaraptama) AQ-men birigip Qaraqıa aýdanynyń 2 bilim berý uıymynda (Jetibaı selosy №3 mektep–84 mıllıon teńge, Munaıshy selosy Balaýsa bala-baqsha–24 mıllıon teńge) quny 108 mıllıon teńge quraıtyn energıa únemdeý tehnologıalaryn paıdalana otyryp jóndeý júrgizildi. Nátıjede 45%-ǵa deıin elektr qýaty jáne 30%- ǵa deıin jylý únemdeldi», - dedi ol.

Sondaı-aq, osy baǵyttaǵy jumystardy odan ári qaraı iske asyrý úshin «Elektr energıasyn jáne energıa únemdeýdi damytý ınstıtýty» (Qazaqenergosaraptama) AQ-men birge Aqtaý qalasyndaǵy 22 mekteptiń jaryq shamdary júıelerin paıdalaný jáne jańartý konsepsıasy jasaqtalǵanyn jetkizdi. Quny 548,209 mıllıon teńgeni quraıtyn jobaǵa sáıkes, 22 072 dana jaryqsham, 48 770 dana elektr shamdardy aýystyrý qarastarylǵan. Nátıjesi: jylyna 35,025 mıllıon teńge qarajatty nemese 44,68% deıin elektr qýatyn únemdeýge múmkindik beredi.

Mańǵystaý oblysy ákimi baspasóz qyzmetiniń málimetinshe, búgingi tańda  pılottyq tártipte qosylatyn turǵyn úılerde (15 yqsham aýdanda 10 KQTÚ) jylý, elektr energıasy, sý úshin ortaq úılik esepke alý aspaptary ornatylyp, esepke alý aspaptarynan derekterdi onlaın rejımde alý iske asyrylyp otyr. Sondaı-aq aǵymdaǵy jyldyń aıaǵyna deıin derekterdi onlaın rejımde berý múmkindigi bar jáne avtomattandyrylǵan jylý pýnktin ornatý josparlanýda. Bul jylý berý maýsymy kezinde 11,0 mıllıon teńge únemdeýge múmkindik beredi.