Aqtaýda bý-gazdy qondyrǵy salynbaq

Aqtaý qalasyna irgeles Ómirzaq, Prımorskıı, Raýan, Shyǵys-3 sh/a, Munaıly aýdanynyń Dáýlet, Qyzyltóbe eldimekenderde 1 aqpannan bastap tarıf 22,72 teńgeden 19,42 teńgege tómendetilgen. Bul jóninde «Energıa únemdeý jobalary boıynsha jumystardyń nátıjeleri, tarıfter» taqyrybynda ótken brıfıńte málim boldy.   

-Negizgi shyǵyndar gazǵa baılanysty bolǵandyqtan, Úkimet basshysy Baqytjan Saǵyntaevtyń ótken jylǵy óńirge sapary barysynda osy máselege mán berilip, gaz baǵasy 1 shildeden bastap 19 833 teńgeden (1000 tekshe metrge) 19 121 teńgege túsirildi. Nátıjesinde bizdegi negizgi óndirýshi iri kásiporyn «MAEK-Qazatomónerkásip» JSHS 1 shildeden bastap óńirimizdiń barlyq turǵyndary úshin tarıfti 8 paıyzǵa tómendetti. Buryn tarıf 14,18 teńge bolsa, qosymsha qun salyǵynsyz 13,12 teńgege azaıyp, oblysymyzǵa jaqsy áserin berdi, — deıdi Energetıka jáne turǵyn úı komýnaldyq sharýashylyq basqarmasy basshysynyń orynbasary Nurlan Orynbasarov.

Jalpy bul jumystar aldaǵy ýaqytta da jalǵasyn tappaq. Máselen, basshynyń orynbasary bý-gazdy qondyrǵy qurylysy salynatynyn atap ótti.

 -«MAEK-Qazatomónerkásip» JSHS qýaty 250 MVt bolatyn bý-gazdy qondyrǵysyn salýdy qolǵa aldy. Búgingi tańda konkýrstyń alǵashqy bólimi aıaqtalyp, ınvestor anyqtaldy. Qazir usynystary qaralyp jatyr. Joba quny 63 mlrd teńge. Baıqaý keler jyly aıaqtalady, — deıdi Nurlan Bazarbaıuly.