Jańadan otaý qurdyńyz ba? Jaryńyz ekeýińiz qazaqstandyqsyzdar ma? Eń bastysy jeke baspanalaryńyz joq pa? Onda halyq úshin jumys istep otyrǵan «Nur Otan» partıasy sizder úshin taptyrmas múmkindik syılamaq. Búginde partıa jas otbasylardyń baspanaly bolýyna kómektespek nıette. Bul týraly partıanyń Soltústik Qazaqstan fılıalynyń esep berý konferensıasynda jýyrda ǵana saılanǵan hatshy Ilá Terenchenko málimdegen edi. Jalpy Elbasynyń tapsyrmalary, Joldaýynda aıtylǵan habarlamalarynyń júzege asyrylýy «Nur Otannyń» qatań baqylaýynda. Bul joly partıa «Nurly jol», «Nurly jer», «7-20-25» sekildi memlekettik baǵdarlamalardyń belsendi túrde oryndalýyn baqylaýǵa aldy.

Budan bólek, konferensıa barysynda partıanyń aldaǵy josparlaryn júzege asyrý jaıynda sóz qozǵaldy, jobalarǵa da toqtalyp ótti. Máselen, bıyl Soltústik Qazaqstan oblysynda ınteraktıvti qurylǵylar, robototehnıkaǵa arnalǵan buıymdarmen qamtamasyz etilgen 11 IT-synyp ashyldy. Jyl sońyna deıin taǵy 4 IT-synyp pen 2 IT-ortalyq ashylady dep josparlanyp otyr.

Ilá Terenchenkonyń aıtýynsha, jalpy Qazaqstanda 24-ke jýyq IT ortalyq jumys istep tur. Onda jumyssyz ári ózin-ózin ózi qamtamasyz etetin myńǵa jýyq jas eńbek etedi. Al «Nur Otan» partıasy olarǵa qashan da qoldaý kórsetýge daıyn.

Budan buryn «Nur Otan» partıasy Tóraǵasynyń Birinshi orynbasary Máýlen Áshimbaev «Nur Otan» partıasy Elbasy Joldaýynyń júzege asýyn baqylaýdy kúsheıtetinin málimdegen.

Memleket basshysy Nursultan Ábishuly Nazarbaev Qazaqstan halqyna arnalǵan jyl saıynǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda birqatar tapsyrma bergen edi. Búginde olardy júzege asyrý jolynda túrli jumystar atqarlypy jatyr. Osy maqsatta Áshimbaev óńir-óńirdi aralap, prezıdenttiń bes áleýmettik bastamasynyń oryndalý barysyn tekserýdi qolǵa alǵan.