Mańǵystaý oblysy ákiminiń qos orynbasary taǵaıyndaldy. QR Prezıdenti Ákimshiliginiń kelisimimen, oblys ákiminiń ókimine sáıkes, Mańǵystaý oblysy ákiminiń orynbasarlary qyzmetine Nurdáýlet Igilikuly Qılybaı jáne Órken Serikqalıuly Bısaqaev keldi. Bul jóninde ákimdiktiń baspasóz qyzmeti habarlady.
Nurdáýlet Igilikuly Qılybaı 1978 jyly Mańǵystaý oblysy Beıneý aýdanynda dúnıege kelgen, bilimi joǵary, «tasymaldaýdy uıymdastyrý jónindegi ınjener», «qarjy jáne qarjy quqyǵy» mamandyqtary boıynsha bitirgen. 2018 jyly AQSH Boston qalasynda Stafford House halyqaralyq mektebinde bilim alǵan. Qılybaı Nurdáýlet Igilikuly joǵary kásibı daıyndyqtan ótken, basshy laýazymdardaǵy eńbek tájirıbesi jetkilikti. Eńbek jolyn 1999 jyly Mańǵystaý tasymaldaý bólimshesi stansıasynyń kezekshisi qyzmetinen bastaǵan. Keıin Astana stansıasynda kirme joldary boıynsha júkterdi qabyldap-tapsyrýshy, «QTJ» UK» aksıonerlik qoǵamynynyń bas mamany, bólim bastyǵy, magıstraldy jeliler dıreksıasy basqarýshysynyń kómekshisi qyzmetterinde boldy. 2005 - 2009 jyldar aralyǵynda Qazaqstan Respýblıkasy Kólik jáne komýnıkasıalar mınıstrliginiń Kólik jáne qatynas joldary komıtetiniń bólim bastyǵy, basqarma bastyǵy, tóraǵanyń orynbasary. 2009 – 2010 jyldary «Vokzal-servıs» AQ prezıdenti, «QTJ» UK» AQ Jolaýshylardy tasymaldaý jónindegi basqarýshy dırektory boldy. 2010 – 2011 jyldary Qazaqstan Respýblıkasy Kólik jáne komýnıkasıalar mınıstrliginiń Kólik jáne qatynas joldary komıtetiniń tóraǵasy qyzmetin atqardy. 2011 - 2012 jyldar aralyǵynda «QTJ» UK» AQ prezıdentiniń keńesshisi, keıin osy aksıonerlik qoǵamnyń Mańǵystaý joldary bólimshesi fılıalynyń dırektory. 2012 – 2013 jyldary Qazaqstan Respýblıkasy Kólik jáne komýnıkasıalar mınıstrliginiń Kólik jáne qatynas joldary komıtetiniń tóraǵasy qyzmetinde boldy. 2013 – 2017 jyldary «QTJ» UK» AQ apparat basshysy - atqarýshy dırektory, «QTJ» UK» AQ atqarýshy dırektory - «Jolaýshylar tasymaldaý» AQ prezıdenti. 2017 jyldyń qarasha aıynan bastap qazirgi ýaqytqa deıin «Temirjolsý» AQ Bas dırektory – Basqarma tóraǵasy qyzmetin atqardy.
Órken Serikqalıuly Bısaqaev eńbek jolyn 1999 jyly Batys Qazaqstan oblysyndaǵy «Intergazstroı» AAQ-da ekonomıs qyzmetinen bastap, KTK jobasy dırektorynyń orynbasary, Tengızshevroıl joba basqarmasynyń ınjener-jobalaýshysy, «Intergazstroı» joba - ekonomıkalyq bólimi bastyǵynyń orynbasary qyzmetterin atqardy. 2003 – 2004 jyldary «Kaztranskom» AAQ –da Sharýashylyq departamentiniń kúrdeli qurylys bóliminiń bastyǵy. 2004 – 2007 jyldary «Nútek Dıstrıbúshn» JSHS korporotıvti jobalar departamentiniń menedjeri, departament dırektory, bas dırektorynyń orynbasary boldy. 2007 - 2010 jyldar aralyǵynda Mańǵystaý oblysy ákimi apparatynyń uıymdastyrý-baqylaý bóliminiń bas ınspektory, keıin bólim meńgerýshisi qyzmetterin atqardy. 2010 - 2012 jyldary Aqtaý qalasy ákiminiń orynbasary. 2012 - 2016 jyldar aralyǵynda Mańǵystaý oblysynyń jolaýshylar kóligi jáne
avtomobıl joldary basqarmasynyń basshysy. 2016 - 2017 jyldary Aqtaý qalasy ákiminiń orynbasary. 2017 jyldyń qarasha aıynan bastap qazirgi ýaqytqa deıin «Mańǵystaý oblysynyń týrızm basqarmasynyń basshysy qyzmetin atqardy.
Eske sala keteıik, oblys ákiminiń orynbasary Sholpan Ilmýhamedova basqa qyzmetke aýysýyna baılanysty óz qyzmetinen boastyldy.
