Bıylǵy jyldy qorytyndylap, jańa jylǵa qadam basatyn ýaqyt taıap qaldy. Osy jyly elimizdiń ekonomıkasynda qandaı ózgerister oryn aldy? Qamshy.kz aqparat agenttigi 2018 jylǵa arnalǵan statısıkalyq málimetterdi oqyrman nazaryna usynady.
Qazaqstandyqtardyń ortasha jalaqysy ótken jylmen salystyrǵanda 9,3%-ǵa artqan.2017 jyldyń İİİ toqsandaǵy qorytyndysy boıynsha halyqtyń ortasha eseppen jalaqysy 147 988 myń teńge bolsa, bıylǵy jyly bul kórsetkish 161 783 myń teńgeni quraǵan.
Memlekettik búdjettiń shyǵyndary 13%-ǵa azaıǵan. Shyǵynnyń tórtten bir bóligi áleýmettik kómekterge jumsalyp, osy salaǵa bólingen qarajat 20%-ǵa artqan. Sońǵy toǵyz aıda ártúrli salalarǵa jumsalǵan memlekettik búdjettiń somasy 8,1 trln teńgeni quraǵan. 2 trln teńge áleýmettik kómek kórsetý salalaryna jumsalsa, 1,4 trln teńgege jýyq qarajat bilim salasyna, al densaýlyq saqtaý salasyna 820,4 mlrd teńge bólingen.
Bank júıesinen túsetin paıda sońǵy bes jylda eń joǵarǵy kórsetkishke ıe boldy. Bıyl 10 aıda 566 mıllıard teńge paıda túsken. 2018 jyldyń qańtar-qazan aılarynda Qazaqstannyń ekinshi deńgeıli bankterden kórgen paıdasy 27,7 trln teńgege jetip, sońǵy bes jyl ishinde jyl saıyn 2,4%-ǵa ósip otyrǵan. Mundaı joǵary ósim – sońǵy ret 2016 jyly 36,5 trln teńge mólsherinde bolǵan.
Qazaqstandaǵy jumyssyzdyq deńgeıi sońǵy bes jylmen salystyrǵanda eń tómengi kórsetkishke jetip, 4,8%-dy quraǵan. Jumyssyzdyq deńgeıiniń eń joǵary kórsetkishi Almaty qalasynda tirkelgen -11,2%. Bul 200 myńǵa jýyq adam jumyssyz degen sóz. Al eń az deńgeıi Soltústik Qazaqstan oblysynda — 3,4 %. Al jalpy elimiz boıynsha jumyspen qamtylǵandar 8,7 mıllıon adam. Óz betimen jumyspen qamtylǵandar sany 2,1 mln. adam bolsa, bul kórsetkish ótken jylmen salystyrǵanda 2,8%-ǵa tómendegen.
Qazaqstandaǵy kólik ınfrastrýktýrasy salasynyń eń iri ınvestory – Qytaı: 2018 jyldyń alǵashqy jarty jyldyǵynyń qorytyndysy boıynsha elimizge salynǵan ınvestısıalardyń 31,2% Qytaıǵa tıesili. 2018-2019 jyldarǵa arnalǵan jospar boıynsha Qazaqstan-Qytaı seriktestigine negizdelgen 11 joba iske asady. Onyń jalpy somasy 4,4 mıllıard AQSH dollaryn quraıdy.
Baljan HALYQ
