Eýropalyq lıderlerdiń kóbisinde bala joq. Munyń sebebi nede?

Angela Merkel, Emmanýel Makron, Tereza Meı úsheýin ne baılanystyratynyn bilesiz be? Iá, eń aldymen úsh basshynyń da famılıasynyń bas árpi M-dan bastalady. Úsheýi de Eýropadaǵy iri memleketterdi basqarady. Budan ózge?

Úsh basshynyń da artynan qalar, izin jalǵastyrar urpaǵy joq. Bul ýsheýi urpaqsyz basshylardan jalǵyz emes, Golandıa lıderi Mark Rútte, ıtalándyq Paolo Djentılonı, shveısarıalyyq Sımonetta Sommarýga, shvesıalyq Stefan Leven, Lúksembýrg basshysy Ksave Bettel, shotlandıalyq Nıkolá Stýrjeon ári Eýrokomıssıa basshysy Jan-Klod Iýnker de atamlysh tizimge kiredi.

Báriniń birdeı balaly bolmaýynyń astarynda bir mán jatýy múmkin be álde kezdeısoqtyq pa? 

Halyqaralyq kabbalıstıka akademıasynyń negizin qalaýshy Mıhaeel Laıtmannyń sózinshe, ondaı adamdar bolashaqty oılamaıdy, tek búgingi kúnmen ómir súredi. Qolyndaǵy bılik olarǵa jetkilikti.

«Qolynda kishkentaı sábıi bar áıeldi kóz aldyńyzǵa elestetip kórińizshi? Ana úshin sábıinen artyq eshteńe joq. Sábıin aman-esen ósirip-jetildirý úshin qolynan kelgeniniń bárin isteıdi. Tek sábıiniń jaǵdaıy jaqsy bolsa eken deıdi. Sebebi sábıi – onyń búkil álemi, bolashaǵy. Al memlekettiń basynda otyrǵan myna adamdardyń álemge, bolashaqqa degen sezimderi joq. Terbetip otyrǵan balalary joq. Masqara!», - dedi Mıhael Laıtman.

Aıtýynsha, álemdi kimniń basqaryp otyrǵany belgisiz.

«Bılik basyna balasy joq adamdar keledi de, halyq úshin sheshim qabyldaıdy. Eýropanyń búgingi jaǵdaıyna qarańyzdarshy? Óz shańyraǵyn mıgranttarǵa qalaı bere salýǵa bolady?».

Mıhael Laıtmannyń oıynsha, basshylar óz uıasyn sezine almaıdy, sebebi onda jylýlyq joq.

«Olar ózderin ǵana jaqsy sezinedi, al basqany oılamaıdy. Olardyń balalary joq, sol sebepti erteńgi kúnge alańdamaıdy. Toraǵa sáıkes, otbasy men balasy joq adam álemdi basqara almaıdy, aqyldy bolyp ta jaratpaıdy. Ondaılar álemdi sezinbeıdi», - dep Laıtman jýrnalıserge suhbat bergen edi.

Eýropada EO ózi qarjylandyrǵan zertteý baıandamasy jaryq kórgen. Taqyryby – «Balań bolmasa, máselede joq!». Sol sebepti Eýropada balaly bolmaý degenge úreımen qaramaıdy.

Sarapshylardyń dereginshe, Angela Merkeldiń balaly bolmaýy qalypty, bul da ózi basqaryp otyrǵan eldiń bir kórinisi.

Nemis áıelderiniń kóbi derlik bala týmaýdy jón sanapty. Ári olardyń 40 paıyzy joǵary bilim alǵandar. Qorǵanys mınıstri Ýrsýla fon der Láıenniń málimdeýinshe, eger týý ósimi baıqalmasa, Germanıa túbinde joıylady.

Institut National d'Études Demographiques júrgizgen zertetýge sáıkes, 1970 jylǵy eýropalyq áıelderdiń tórtten bir bóligi balasyz qalyp ketýi múmkin.

Tereza Meıdiń Anglıasynyń da keıpi osyǵan uqsaıdy.

Ulttyń ósýi úshin ár áıelde keminde 2 baladan bolýy shart. Alaıda Eýropanyń bul kórsetkishke qol jetkizýi ekitalaı.

Eger osylaı jalǵasatyn bolsa, BUU deregine sáıkes, aldaǵy 40 jylda Eýropa halqy 100 mıllıon adamǵa azaıady. Bir Germanıanyń ózinde halyq sany 20 mıllıonǵa kemıdi.