Táýelsizdik! Táýelsizdik! Táýelsizdik! Tamsanýǵa turarlyq tátti taqyryp! Týǵan topyraǵym, táýelsizdigińmen!

Táı - táılap, tulymshaǵy terbelip, túrli - tústi táttige telmire tompańdaǵan tıtteı tulǵa tárizdi, tasbaqasha tyrbyńdaǵan, tizginsiz taıdaı tebingen Táýelsizdik taǵymyzǵa turaqtady túbinde. Tus - tustan talan - tarajǵa, talasqa, talaýǵa túsken táýelsizdiktiń tizgini túptiń túbinde túp tóresine tapsyryldy.
Tarıhymyzda tanylǵan tanymal tulǵalardyń tegeýirindi talasynyń, toıtarysynyń, talaptanýynyń túbi táýelsizdikke tutasty!

Týǵan topyraǵym, tamyry tereńge taralǵan, tiregi tyǵyz terekteı tulǵańdy teńseltpe! Táýelsizdiktiń tańy tarıhyńnyń tasynda tańbalanǵan.

Týǵan topyraǵym, tórińdegi táýelsizdiktiń týynyń tuǵyry tómendemesin! Túptiń túbinde talaılardy tamsandyryp, tańǵaldyryp, tańyrqatasyń ! Táýelsizdiktiń tarıhy talaılarǵa taǵylym.

Tatýlyq, táýekeldilik, tutastyq, tabandylyq, tózimdilik, tapqyrlyq, taqýalyq, týysqanshyldyq, tıanaqtylyq, táýbeshildik, tatý - táttilik, taǵysyn taǵy tek tórińde turaqtasyn!
Tórelerdiń tóresi - týǵan topyraǵym, teńdesiz táýelsizdigińe tosqaýyl turmaýy tıis! Táýelsizdiktiń tumary - tutastyq, tatýlyq!

Táýelsizdiktiń tálim - tárbıege toly tártibimen, taptyrmas talap - tilekterimen, túrli tásilderimen tárbıelengen tulǵa túbinde tanymyldylyqqa taban tireıdi.

Túndik túrilgen tusta tup - tunyq tóbeden temirqazyqty taptym! Temirqazyq táýelsizdiktiń tańbasyndaı tanyldy!
Týǵan topyraǵym, tamshy terimniń topyraǵyńa tamǵanyna táýba!

Tartynba, táýelsizdik, toıdyń tóresisiń! Taýsylmaıtyn taý - taý, telegeı teńiz tabystar tileımin! Torqaly toı - tomalaǵyń, tamashań tarqamasyn! Taldaryń turaǵyńnyń tórine tirelgen terekterge teńesti! Tizbektelgen tilekterim tek táýelsizdikke!

Maqpal Sembaıdyń feısbýk paraqshasynan