18 jeltoqsan, seısenbi kúni Abaı dańǵylynda Aqtóbe oblysynyń 30 metrlik bas shyrshasynyń shamdary jaǵyldy
Shyrshany tanymal aqtóbelikter – QR eńbek sińirgen qaıratkeri, ánshi, «Mıssıs Aqtóbe-2011» baıqaýynyń jeńimpazy Svetlana Aıtbaeva, mánerlep syrǵanaýdan halyqaralyq týrnırdiń júldegeri Dará Vdovına men Aqtóbedegi hokeıden jastar komandasynyń kapıtany Nıkıta Belashev saltanatty túrde jaqty. Sol keshte Aqtóbede oblys ákimdiginiń aldy men Arbatta ornatylǵan barlyǵy tórt shyrshanyń shamdary jaǵyldy. Saltanatty rásimnen keıin túrli-tústi teatrlandyrylǵan qoıylym men konserttik baǵdarlama ótti. Saltanatty sharaǵa qala turǵyndarymen jáne qonaqtarymen qatar oblys ákimi Berdibek Saparbaev ta qatysty. Ol Arbattyń boıymen qydyryp, qalalyqtarmen áńgimelesti, olardy merekelerimen quttyqtady.
Sol keshte Aqtóbedegi Arbattyń barlyq alańdary túrli-tústi ılúmınasıamen jaryqtandyrylyp, qala turǵyndaryn ertegi keıipkerleriniń kostúmderin kıgen mánerlep syrǵanaýshylar óz ónerlerimen qýantty. Aqtóbelikter kóńildi sporttyq jarystarǵa qatysty.
Oblys ortalyǵynyń alańdary men kóshelerinde 17 jeltoqsannan bastap elýden astam shyrsha ornatyla bastady. Jańa jyl sulýlary sondaı-aq, Tuńǵysh prezıdent atyndaǵy saıabaqta, «Batys-2» jáne «Nur Aqtóbe» turǵyn úı alaptaryna da ornatylady.
Ortalyq stadıon aýdanynda qala turǵyndary men qonaqtary úshin muz qalashyǵy salynǵan. 14 jeltoqsannan bastap qala boıynsha barlyǵy 48 muz aıdyny jumys jasap jatyr. Myńnan asa jańajyldyq erteńgilikterge 80 myńnan astam bala jınalady.
Turǵyndarǵa qolaıly bolý úshin jańa jyl kúnderi QR Tuńǵysh Prezıdenti atyndaǵy saıabaqta, «Batys-2» jáne «Nur Aqtóbe» turǵyn úı alaptarynda basty mádenı-kópshlilik jańajyldyq sharalar men merekelik otshashýlar ótedi.
Merekeler qarsańynda qalanyń ár núktesinde aýyl sharýashylyǵy jármeńkeleri únemi ótkizilip turatyn bolady. Qala turǵyndaryna azyq-túlik taýarlarynyń keń tańdaýy tómen baǵamen usynylatyn bolady.
