29 jastaǵy Nozıma Ergashevanyń aıtýynsha, aýdandyq ákimshiliktegi narazylyqty ol aldyn ala josparlaǵan. Jergilikti bılik ony tyńdaýdan bas tartqan soń, kelinshek osyndaı qadamǵa barǵan.
"Meni ákimniń áıelder isi jónindegi orynbasary qabyldady. Maǵan kómektesýdiń ornyna, olar menimen qatal sóılesti. Sol kezde men: "Sender bizdiń aryzymyzdy tyńdamaısyńdar, onda men narazylyq retinde ózimdi órteımin", - dedim. Sómkemde ottyq pen bótelkege quıylǵan janarmaı bar edi. Men ony qolyma quıyp, ot qoıdym. Ol jana bastaǵanda, bótelke qolymnan túsip ketip, eden jana bastady. Men aıaǵymmen otty basqanda, ottyq jarylyp ketti. Men esimnen tanyp qaldym", - dedi Nozıma Ergasheva.
Oqıǵa kýágeriniń aıtýynsha, Nozımaǵa jedel medısınalyq járdem shaqyrtylǵan. Onyń qoly kúıip qalǵan.
15 jeltoqsanda Qıbraı aýdandyq ákimdiginiń jetekshi mamany Holmýrod Rabbanaevtyń aıtýynsha, kelinshek ózin emes, májilis zalyn órtegisi kelgen. Sheneýnik onyń bul áreketin gazǵa qaryzdy tólegisi kelmegendigimen baılanystyrdy.
Nozıma tabıǵı gazǵa qaryzy 7 mıllıon 200 myń sým (shamamen 870 dollar) bolǵanyn rastady. Biraq ol sol kúni ákimshilikke materıaldyq kómek surap barǵanyn aıtty.
