Adamdarǵa árdaıym ózgelerdiń qansha jalaqy alatyny qyzyq bolyp kórinetini jasyryn emes. Al siz álemdegi memleket basshylarynyń aılyǵy qansha ekenin bilesiz be? Nazarlaryńyzǵa 1 dollardan bastap 2 mıllıon dollarǵa deıin jalaqy alatyn Prezıdentterdiń tizimin usynamyz.

• Donald Tramp – Amerıka Qurama Shtattarynyń prezıdenti.

Jylyna – $1 dollar jalaqy alady. Ol prezıdenttik saılaý kezinde-aq, memleket basshysyna taǵaıyndalatyn 400 myń dollar, ıaǵnı, $33 myń  aıyna nemese kúnine $1095  kólemindegi jalaqydan bas tartatynyn aıtqan. Aq Úı ókili Sara Sanders Donald Tramp óziniń 2018 jyldyń İ jartyjyldyǵyna arnalǵan prezıdenttik jalaqysyn tolyǵymen medısınalyq baǵdarlamalardy júzege asyrý úshin AQSH ardagerler keńesine bólgenin habarlaǵan bolatyn.

• Petr Poroshenko – Ýkraına Prezıdenti.

Jylyna - $12 220 dollar jalaqy alady. Bul aıyna $ 1 018 dollar nemese kúnine $33 dollar. Onyń jalpy baılyǵy - $1,3 mıllıard dollardy quraıdy eken. Osylaısha, Petr Poroshenko Ýkraınadaǵy eń baı adamdardyń reıtıńisinde 6-orynda tur. 2017 jyly onyń barlyq prezıdenttik jalaqysy tolyǵymen qaıyrymdylyqqa jumsalǵan degen derekter de bar.

• Sı Szınpın – Qytaı Halyq Respýblıkasynyń prezıdenti.

Qytaı basshysy jylyna $20 593 dollar alady. Qazirgi ýaqytta alatyn aıyna $1716 nemese kúnine $56 dollardy quraıtyn prezıdenttik jalaqysy 2015 jyly 62 paıyzǵa artqannan keıin ǵana osy somaǵa jetken. Álemdik alpaýytqa aınalǵan eldiń qarapaıym basshysy, áıeli men qyzy eshqandaı jeke kásipkerlikpen aınalyspaıdy. Degenmen, jaqyn týystarynyń baılyǵy $376 mıllıon dollardy quraıtyny belgili bolǵan.

• Saýlı Nıınıstó – Fınlándıa prezıdenti.

«Soltústik shuǵylasymen» ataqty eldiń prezıdentiniń jyldyq jalaqysy -  $146 700 dollar eken. Bul degeniń  $12 225 dollar aılyq bolsa, Nıınıstó kúnine $402 dollar alady degen sóz.

• Vladımır Pýtın – Reseı Federasıasynyń prezıdenti.

Kreml basshysy jylyna $151 000 dollar jalaqy alady. Forbes jýrnaly 2016 jyldyń álemdegi eń yqpaldy tulǵasy retinde tanyǵan Pýtın aıyna $12 586 dollar nemese kúnine $414 dollardy quraıtyn jalaqyǵa ıe. 2015 jyly Vladımır Pýtın óziniń jalaqysyn 10%-ǵa qysqartý týraly sheshim qabyldaǵan.

• Tereza Meı – Ulybrıtanıanyń premer-mınıstri.

Anglıany qatań tártipte basqaryp otyrǵan hanymnyń jyldyq jalaqysy - $198 509 dollar. Iaǵnı, aıyna $16 542 dollar, al kúnine $544 dollar alady. Óz qarajatyn týflı koleksıasyn tolyqtyrýǵa jumsaıtyn kórinedi. Sebebi, onyń aıaq kıimderiniń ózi bólek arnaıy bólmede saqtalady eken.

• Emmanúel Makron – Fransıanyń prezıdenti.

Eń jas fransýz prezıdenti jylyna $211 530 dollar nemese aıyna $17 628, ıaǵnı, kúnine $580 dollar jalaqy alady. «Qarjy Mosarty» atanǵan Makron prezıdent bolǵanǵa deıin de bank salasynda óte tabysty qyzmet atqarǵan. Sol kezdiń ózinde-aq jylyna $1 mıllıon dollar jalaqy alǵan eken.

• Lı Sánlýn – Sıngapýr premer-mınıstri.

Qarqyndy damyǵan eldiń qazirgi basshysy jylyna $ 2 mıllıon 200 myń dollar alady. Ol búgingi qyzmetin óziniń ákesi Lı Kýan Iý-dan muragerlikke alǵan. Sıngapýr ekonomıkasyn sharyqtatqan basshynyń balasy álem elderi prezıdentteri arasynda eń joǵarǵy jalaqy alady. Demek, aıyna $147 myń dollar, kúnine $ 7350 dollar. Ol óziniń jalaqysyn «adal ári laıyqty» dep esepteıtinin málimdegen bolatyn. Buǵan deıin onyń jalaqysy 36 ese kóp bolǵan. Tek Sıngapýr halqynyń narazylyǵynan keıin jalaqysyn azaıtýǵa sheshim qabyldaǵan eken. Sonyń ózinde Sıngapýr premeri Kanada, Avstrıa, Shveısarıa, Belgıa, Reseı sıaqty elderdiń prezıdentteriniń jalaqysynyń bárin qosqannan da kóp  aılyq alady.