Aqtóbe oblysynyń jol qyzmeti 16 myń tonnadan astam kóktaıǵaqqa qarsy materıaldar men qospalar daıyndady.
Oblys ákimi Berdibek Saparbaevtyń tóraǵalyǵymen ótken jıynda jergilikti jáne respýblıkkaalyq mańyzy bar avtokólik joldarynyń qysqy jaǵdaıy talqylandy.
Óńirdegi kólik joldarynyń jalpy uzyndyǵy 6 946,3 shaqyrymdy quraıdy. Oblystyq jolaýshylar kóligi jáne avtomobıl joldary basqarmasynyń basshysy Aıazbaı Osmanǵalıevtiń aıtýynsha, qysqy kezeńde oblystyq jáne aýdandyq mańyzy bar 5 myń shaqyrymnan astam kólik jolyna qyzmet kórsetý úshin 38 kásiporyn jumyldyrylǵan, olardyń aktıvterinde 266 birlik tehnıka bar. Kóktaıǵaqqa qarsy ınertti materıaldardyń qajetti qory - 2500 tonna, kólemi 500 tonnaly dızel otynynyń rezervi quryldy. Aýa raıynyń nasharlaýyna jedel áreket etý úshin 1 jeltoqsannan bastap kezekshilik uıymdastyryldy. «Dóń-Badamsha-Aqtóbe-Orsk», «Aqtóbe-Bolgar-SHubarqudyq» jáne «Pokrovka-Temir-Keńqıaq-Embi» kólik joldarynyń qar qatty basyp qalatyn jerlerine 12 myń metrlik jasandy qar toqtatatyn qondyrǵylar ornatylýda.
Sonymen qatar, Aqtóbe kóshelerin, aınalma joldardy ýaqytynda tazalaý úshin 15 arnaıy kásiporyn eńbek etip jatyr, 250 birlik arnaıy tehnıka jumyldyryldy. Kóktaıǵaqpen kúresýge myń tonna qumdy-tuzdy qospa men 700 tonna tuz daıyndaldy. 17 birlik qumshashyratqysh táýlik boıy daıyn turady. Sondaı-aq, arnaıy tehnıka men jaýapty tulǵalardyń táýlik boıǵy kezekshiligi uıymdastyryldy.
«QazAvtoJol» UK» AQ respýblıkalyq mańyzy bar 1676 shaqyrym kólik jolyna qyzmet kórsetedi. Fılıal dırektory Marat Mahambetovtyń málimetinshe, qysqy kezeńde tótenshe jaǵdaıdy boldyrmaý úshin 7900 tonna kóktaıǵaqqa qarsy materıal, 3900 qum-tuz qospasy, 600 tonna tuz, 268 tonna dızel otyny jınalǵan. Eksplýatasıalyq qyzmet qaramaǵynda qar tazartatyn 86 birlik tehnıka bar. «Qazaqavtojoldyń» barlyq 17 jol-eksplýatasıalyq jerlerinde jylytý beketteri ornalasqan. Budan basqa, qala syrtyndaǵy joldarda jolda qyzmet kórsetetin 74 nysan bar, olar tótenshe jaǵdaı kezeńderinde jylytý beketi qyzmetin kórsetedi.
Jıyn qorytyndysynda óńir basshysy arnaıy tehnıkalrdyń daıyndyǵy men ınertti materıaldardyń baryn únemi baqylaýda ustaýdy tapsyrdy. Sonymen birge, óńir basshysy joldaǵy qardy qardyń túsýin kútpeı, tez tazalap tastaý kerektigin erekshe atap ótti.
- Avtokólik jaǵdaıyna jaýapty uıymdar, mekemeler adal nıetpen jumys jasaýlary qajet. Basty mindet – kólik qozǵalysynyń shektelýine jol bermeý. Merdiger mekeme basshylarynan sizdermen otyrǵan kelisimsharttyń barlyq tarmaqtaryn oryndaýlaryńyzdy suraımyn, - dedi Berdibek Saparbaev.
