Ýkraına jolaıryqta tur. Óıtkeni keler jyly elde prezıdenttik saılaý ótedi. Bılik basyna kim keledi? Taǵy da Petr Poroshenko ma, joq álde basqa saıası tulǵa ma? Bul másele qazirgi kezde sarapshylardyń qyzý talqysyna aınaldy. Negizi bılik basyna kim kelse de, Ýkraınanyń bolashaǵy eń aldymen sol saıası fıgýranyń ustanǵan saıasatyna baılanysty bolmaq. Kóptegen sarapshylar «Poroshenkonyń ornyn «Batkovshına» partıasynyń lıderi Iýlıa Tımoshenko aýystyrýy múmkin» degendi aıtýda. Qalaı tarazylasaq ta, úsh aıdan keıin – prezıdenttik saılaý. Sarapshylar Tımoshenkonyń prezıdenttik taqqa otyrý múmkindigi joǵary dese, al saıasattan alys kóripkelderdiń pikiri qandaı? Olardyń joramalynsha, bolashaqta Ýkraına qandaı baǵyt ustanady, Reseımen aradaǵy qatynas jaqsara ma? Donbass aýmaǵy derbestik ala ma? Qyrymdy Ýkraına ózine qaıtarýy múmkin be? Bul saýaldar jalpy tórtkúl dúnıede saıasattan habary bar kez kelgen adam balasyn tolǵandyryp otyrǵany anyq. Al, Ýkraına týraly kóripkelder ne deıdi?
Juldyzǵa qarap, boljam jasaıtyn reseılik tanymal astrolog Pavel Globanyń oıynsha, «keler jyly Ýkraınada saıası daǵdarys kúsheıe túsedi, ekonomıkalyq jaǵdaıdyń kúrdelenýine baılanysty elde tolqýlar kóbeıedi. Jer planetasy Iýpıterdiń yqpalynda bolýyna baılanysty eldiń shyǵysynda áskerı qaqtyǵystar artady. Ýkraına terıtorıasy bóliske túsedi. Olardyń birqatary Reseıdiń quramyna ótedi. 2020 jylǵy qaıta saılaýdan keıin Reseımen áriptestik kúsheıedi. Ýkrınanyń eýropalyq bóliginde arnaıy blok paıda bolady. Reseıdiń álemdik arenada mártebesi artady. EýroOdaq pen NATO ómir súrýin toqtatady. Iýlıa Tımoshenko prezıdent bolady
Djýlıa Vang. Donbass aýmaǵynda taıaý ýaqytta tynyshtyq ornaıdy. 2019 jyly Ýkraınada bılik basyna jańa prezıdent keledi. Ol aımaqtardyń derbestik alýyna múmkindik beredi. Bul jaǵdaı naqty aıtqanda, Ýkraınada soǵystyń toqtaýyna alyp keledi. Elde jaǵdaı durystala bastaıdy.
Vasılısa Iaroslavskaıa. 2019 jyly bılik aýysady. Halyq laıyqty lıderin tańdaıdy. Reseımen durys qarym-qatynas ornaıdy. DNR men LNR-diń basshylary Ýkraınanyń jańa prezıdentimen til tabysady. Atalǵan eki aımaq avtonomıalyq oblys statýsyna ıe bolady. Eldiń ońtústik-shyǵys aımaǵynda birtindep tynyshtyq ornaı bastaıdy.
Mıhaıl Levın. Máskeý astronomıalyq akademıasynyń negizin salýshy Levın Donbastaǵy jaǵdaı taıaý merzimde turaqtala qoımaıdy degen pikirde. Bul ýaqytta Ýkraınadaǵy jaǵdaı nasharlaı túsedi. Elde birneshe ret memlekettik tóńkeris oryn alady, budan halyqtyń turmysy jaqsara qoımaıdy.
Sergeı Shevsov-Lang. Parapsıhologtyń oıynsha, Ýkraına óziniń vektorlyq saıasatyn únemi ózgertip otyrady. Bazbir sarapshylar resmı Kıev aldaǵy ýaqytta Reseımen kórshilik qatynasty jaqsarta túsedi dese, ekinshileri eldiń saıasatyn batysqa burǵysy keledi. Sondyqtan ázirge elde turaqtylyq baıqala qoımaıdy. 2019 jyly Donbasta áskerı qaqtyǵys bolmaıdy. Al anyǵy, Qyrym eshýaqytta Ýkraınaǵa qaıta oralmaıdy.
Alena Zelıbora. Ýkraınanyń ońtústik-shyǵysyndaǵy shıelenis birden durystala qoımaıdy. Jańa prezıdent LNR men DNR basshylyǵymen jaǵdaıdy durystaýǵa umtylady, Reseımen saýda -sattyq qaıtadan bastalady. Biraq shyǵystaǵy eki oblys Lýgansk men Donesk Ýkrıanaǵa qosylýdan bas tartady. Biraq jaǵdaı qaıtadan shıelenise túsedi, Kıevte úkimet qaıtadan aýysady, bılik basyna kelgender batysqa qaraı bet bura bastaıdy.
Vlad Ross. Ianýkovıchtiń kórshi Reseıge qashyp ketetinin, Maıdannan keıin úkimet basyna kelgen Iasenúk komandasynyń kóp uzamaı aýysatynyn boljaǵan kóripkel Ýkraınada jaǵdaı birtindep jaqsara bastaıtynyn aıtady. Halyqtyń turmys deńgeıi aldaǵy bes-alty jylda polák jáne cheh halqymen shamalas bolady. 2023 jyldan bastap, Reseımen aradaǵy teketires joıylady, qarym-qatynas jaqsara bastaıdy.
Ion Ignatenko. Odessalyq kóripkel osydan birshama ýaqyt buryn qaıtys bolyp ketse de, eldiń ońtústik-shyǵysynda soǵys bolatynyn aldyn ala boljap boljaǵan. Ol 2019 jyldyń ortasynan bastap, Reseımen jaǵdaı jaqsara bastaıtynyn aıtqan. Onyń oıynsha, jaqyn ýaqytta úshinshi dúnıejúzilik soǵys bolmaıdy. AQSH-ta defolt oryn alady, biraq ol synaqtan Amerıka qınalmaı ótedi. AQSH, Reseı jáne Ýkraına arasynda durys saıasat ornaıdy, 2025 jyldan bastap,Ýkraına gúldene bastaıdy. Reseıdegi bılik aýysqan soń, Kıev Máskeýmen qatynasty jaqsartady. Ýkraına abyroıly memleketke aınalady.
Orest Stafııchýk. Donesk men Lýgansk aımaǵynda tynyshtyq ornaıdy. Qyrym qaıtadan Ýkraınanyń quramyna kiredi. Biraq bul uzaqqa sozylmaıdy. Birneshe jyl ótkennen keıin qyrymdyqtar tańdaý jasap, qaıtadan Reseıge qosylady.
Shaman Týva, Ýkraına geosaıası egestiń ortalyǵyna aınalady. Basty daý – Qyrym Respýblıkasy. Jarty aralda eki alyp kúsh ıesi teketireske túsedi. Jeńimpaz búkil álemdi bıleıtin bolady.
***
Árıne, kóripkelderdiń boljamy ártúrli. Naqty sený qıyn. Qısynǵa keletini, tipti kelmeıtini bar. Qalaı desek te, Máskeýdegi bılik aýysqan soń, biraz nárse ózgeretin sıaqty...
