– «Shavkat Mırzıóev Ózbekstannyń basshylyǵyna kelgennen beri jaǵdaı múldem ózgerdi. Ondaǵy el halqynyń sany 33 mıllıondy qurady. Bul, bizdiń Ortalyq Azıadaǵy eń iri memleket bolyp sanalady. Osy elmen qarym-qatynasty tereńdetý biz úshin asa qajet. Kórshimen baılanysty nyǵaıtpaı qalaı ómir súrýge bolady?! Ekonomıkalyq turǵyda paıdaly, alysqa tasymaldaýdyń qajeti joq. 1 mlrd AQSH dollarǵa jetpeı júrgen saýda-sattyǵymyz bıyl 3 mıllıard bolady.
Bıyl saýda kólemi 42 paıyzǵa artty. Biz aldaǵy ýaqytta muny 5 mıllıard AQSH dollaryna jetkizý maqsatyn qoıyp otyrmyz.
Qazaqstan men Qytaı arasynda «Qorǵas» atty úlken keshen salynyp jatqanyn bilesizder. Sondaı keshen Ózbekstan men Qazaqstan arasynda da bolady dep sanaımyn. Eki jaqtan óndiris jasap, ol jerde jańa qala paıda bolýy múmkin, - dedi Memleket basshysy elimizdiń BAQ ókilderimen kezdesý barysynda.
