Kaspı bank uıymdastyrǵan aksıalar tek resmı paraqshasynda jarıalanady. Bul týraly qarjy ınstıtýtynyń baspasóz qyzmeti habarlady dep jazady Qamshy.kz aqparat agenttigi.

Sońǵy kúnderi Instagram-da Kaspi-diń atynan avtokólik utysyn uıymdastyrǵan paraqsha paıda bolǵan. Banktiń resmı ókili onyń jalǵan ekenin aıtyp, halyqty mundaı habarlandyrýǵa senbeýge shaqyrdy.

«Bul — jalǵan aqparat. Banktiń áleýmettik jelidegi resmı paraqshasy bireý ǵana — @kaspi.kz. Tek sol jerde biz jańalyqtarmen bólisip, paıdaly keńester men aksıalar jaıynda habarlaıtyn bolamyz»,- deıdi banktiń baspasóz qyzmeti. Jeke basqa qatysty málimetterdi kúdikti paraqshalarǵa joldamaýdy eskertken bank ókilderi halyqty saq bolýǵa shaqyrady. «Resmı ataýy kórsetilmegen, belgisiz paraqshalar uıymdastyratyn baıqaýlarǵa qatysyp, jeke málimetterińizdi habarlama retinde joldamańyzdar. Alaıaqtyqtyń qurbany bolmas úshin tek resmı aqparattarǵa júginińizder»,- deıdi Kaspi bank ókili.