Shyn máninde jaqsy kitap óz oqyrmanyn ózgerte alady. Kirispesin basqa adam ashsa, qorytyndysyn múlde basqa adam aıaqtaýy múmkin. Bireýler úshin kitap oqý basqa kózqaras, jańa ıdeıalar men ǵajap kóńil-kúı syılasa, tómendegi keıipkerlerdiń ómirin bir ǵana kitap túbegeıli ózgertken. Olardyń áńgimesinen jaqsy kitaptyń júrekten oryn alyp, jandy emdeıtin qasıeti bar ekenin anyq baıqaı alasyz. Óz ómirin ózgertkisi keletin oqyrmanǵa Qamshy.kz aqparat agenttigi keremet kitaptardyń tizimin usynady.

• "Alhımık", Paýlo Koelo

“Men ony teńdessiz týyndy deı almas edim, degenmen ol meniń ómirimdi birjolata ózgertti. Men ony oqyp bastaǵanda joǵarǵy synyp oqýshysy edim, ózim naqty bilmeıtin kolejge tapsyrýdy oılap júrgenmin. "Alhımıkti" oqyǵannan keıin Aýǵanstanǵa barýǵa, kóshpendi ómir saltyna degen qyzyǵýshylyǵym artty. Batystyń kúıbeń ómiri men qyzyqsyz kúnderinen alys ómir súrgim keldi. Kitaptan keıingi áserim bolashaq armandaryma bastama boldy. Mine, birneshe jyl ótkennen keıin men óz elimnen kettim. Osylaısha, jańa ómirge qadam bastym". Andrew Horn

• "Ivan Ilıchtiń ólimi", Lev Tolstoı

“Meniń jańa ómirim ólim týraly povesten keıin bastaldy. Onda óz ólimi kelgenge deıin ómirine rıza bolyp ótken Ivan Ilıchtiń oqıǵasy baıandalady. Kitapty oqyp bitkennen keıin myna bir aqıqat oıyma oraldy: "Ózin joǵaltqan adamnyń álemdi bılegeninen paıda bar ma?". Men aınaǵa qaradym da, eger men Ivan sekildi ómir súrsem, Ivan sekildi óletinimdi de túsindim. 2 kúnnen keıin jumysymdy tastap, týǵan qalama oraldym. Týystarymnyń kúlkige aınaldyrǵanyna qaramastan, qaıtadan bilim alýǵa kiristim. Men oqýymdy aıaqtaýdy qatty armandaǵan edim." Rudra

• "Prosesordy baǵdarlamalaý 8088", L. Dao

“Bul oqıǵa 1984 jyly bolǵan. Dál sol jyly derbes kompúterler dúnıege kelgen edi. Meni jańa tehnologıalar baýrap aldy. Biraq ol týraly bizge mektepte eshkim eshteńe aıtpaıtyn. Sol kezde aǵam meni ózi oqıtyn ýnıversıtettiń kitaphanasyna apardy. Ol jerde osy kitapty taptym. 800 bettik kólemdi shyǵarmaǵa 6 aı boıy árbir demalysymdy arnadym. Al, qazir men joǵary dárejeli ınjener-baǵdarlamashy maman atandym". Philippe Roy

• "Kóbelek", Ketrın Harvı

"Bul kitapty sonaý 1990 jyly áýejaıdan reıs ýaqytyn kútýde zerikpes úshin satyp alǵan edim. Men odan kóp eshteńe kútpedim. Degenmen ol meniń jeke kıeli kitabyma aınaldy. Meniń kóńil-kúıim nashar bolsa, ózimdi jaısyz sezinsem, osy kitapty oqyp shyǵam da, erekshe energıa alamyn. Maǵan san márte kómektesken kitaptyń muqabasy tozyp ketti. Biraq men úshin onyń orny bólek". Martha Lancaster

• "Ramzes", Krıstıan Jak

" "Ramzesti" talantty egıptolog Krıstıan Jak jazǵan. Ol óz romandarynda Ramzesti qaıta tiriltip, oqyrmanǵa perǵaýndar álemine boılaýǵa múmkindik beredi. Kitaptyń tartymdy tusy tarıhı shyndyǵynda edi. Sol arqyly meniń tarıhqa degen qulshynysym artty. Men egıptolog-tarıhshy bolǵym keldi. Keıinirek klasıkalyq fılologıaǵa ańsarym aýdy. Munyń bári Jaktyń oqıǵasynan bastaldy." Staroslav Nejc

• "Garrı Potter", Djoan Roýlıng 

“Men bul kitaptardy 16 jasymda oqı bastadym. Sonyń arqasynda búginde jaqyn dostaryma aınalǵan adamdarmen tanystym. Kitap meniń ózime degen kózqarasymdy ózgertti. Men árdaıym bólektenip, ortamnan oqshaýlanyp júretinmin. Osy kitaptan keıin ózgeshe bolýdyń qalypty jaǵdaı ekenin túsindim".  Eme Walker

• "Úsh joldas", Erıh Marıa Remark

"14 jasymnan beri ol meniń súıikti kitabyma aınaldy. Men ony ár jyl saıyn qarasha aıynda oqyp turamyn. Osy kitap meni birneshe jyl jaı ǵana dosym sanap kelgen qyzben jaqyndastyrdy. Mine, endi 10 jyldan beri ol meniń súıikti jaryma, balalarymnyń aıaýly anasyna aınaldy". Victor Shepelev

• "Ýolden nemese Ormandaǵy ómir", Genrı Devıd Toro

"Kitapta 2 jyl órkenıetten jyraq, jalǵyz ómir súrgen jazýshynyń tájirıbesi týraly baıandalady. Osy kitaptan keıin men úı turǵyzǵym keldi. Óz aýlamda ósken 4 aǵashty shaýyp, arany jalǵa aldym. Eski mektepten tegin tereze alyp, burynǵy úıimniń jıhazdaryn ornattym. Munyń bárine 1000 dollardan da az qarajat jumsadym". Joseph Skinkis