Belarýsıa prezıdenti Aleksandr Lýkashenko «Belarýsıa Reseıdiń quramyna kirýi múmkin» degen áńgimelerdi toqtatý kerektigin aıtty. Bul jaıynda Qamshy.kz aqparat agenttigi jergilikti BELTA aqparat agenttigine  silteme jasap habarlaıdy.

Belarýsıa prezıdentiniń aıtýynsha, Reseı men Belarýsıa arasyndaǵy qarym-qatynas tek birdeı deńgeıde ǵana damıdy.

«Reseılik aqparat kózderi aıtyp júrgendeı, bul tek meniń qalaýym emes, bul kez kelgen odaqty qurýdyń irgeli prınsıpteri. Biz qashan da óz halqymyzdyń pikirine qulaq asýymyz kerek. Sondyqtan, eki el qosylýy múmkin emes, munyń sebepteri de kóp», - dep málimdedi Aleksandr Lýkashenko Mınskide bılik ókilderimen ótken kezdesýde.

Sonymen qatar, Lýkashenko Reseı prezıdenti Vladımır Pýtınniń "Máskeý men Belarýsıa qosyla almaıdy" dep aıtqanyn tilge tıek etti.

«Aldaǵy ýaqyttaǵy jaǵdaıyn eskerse, Reseıdiń Belarýsıany ózine qosyp alýǵa múmkindigi joq. Sondyqtan, eki el bir-birin tize búktirmek degen sıaqty áńgimelerdi toqtatý kerek», - deıdi Lýkashenko.

Aıta keteıik, Reseı men Belarýsıa qosylýy múmkin degen aqparatqa qatysty Kremlde málimdeme jasaǵan bolatyn. Belgili bolǵandaı, Máskeý men Mınsk qalalary bir baǵytqa qarap emes, bir-birine qaraı jyljyp keledi. Ótken jyldyń sońynda Vladımır Pýtın kásipodaqtyń áskerı doktrınasyn maquldap, premer-mınıstr Dmıtrıı Medvedev Reseı men Belarýsıanyń ıntegrasıasy boıynsha jumys tobyn qurǵan bolatyn. Medvedevtiń aıtýynsha, Reseı Belarýsıamen birlese otyryp aqsha basyp shyǵaratyn jáne kedendik qyzmet ortalyǵyn, sot jáne esep palatasyn qurýǵa daıyn. Mundaı jaǵdaıda, eki el biryńǵaı salyq saıasatyn júrgize alady.