QR Ulttyq qaýipsizdik komıteti Qazaqstanda terakt jasamaqshy bolǵan kúdiktilerdi qolǵa túsirdi. Bul jaıynda Qamshy.kz aqparat agenttigi komıtettiń baspasóz qyzmetine silteme jasap habarlaıdy.

QR UQK 10 qańtar kúni ótkizilgen arnaıy operasıanyń vıdeosyn jarıalady.

«Qazaqstanda terakt jasaýǵa daıyndalyp júrgen ustaldy, olar Orta Azıa elderiniń azamattary eken. Olardyń ýaqytsha turǵan jerlerin tintý barysynda jarylys jasaýǵa arnalǵan zattar, túrli qarý-jaraq pen oq-dáriler tabyldy», - delingen habarlamada.

Tergeý isi nátıjesinde qolǵa túsken kúdiktiler DAISH sodyrlarynyń tapsyrmasyn  oryndap júrgenderi belgili boldy. Olar jarylysty Almaty qalasynda adam kóp jınalatyn jerde uıymdastyrmaq bolǵan eken. Tergeý isi áli de jalǵasýda.