Qylmys ústinde ustalǵan brakonerler ınspektordy óltirgen. Bul jaıynda QR ASHM orman sharýashylyǵy komıtetiniń baspasóz-hatshysy Sáken Dildahmet habarlady.

Inspektorlar 2019 jyldyń 13 qańtarynda Qaraǵandy oblysynyń Nýrın aýdanyna reıd jasaýǵa shyqqan. Sol jerde atylǵan 5 kıiktiń denesin taýyp alǵan. Sonymen qatar, Toyota Land Cruiser markaly eki avtokólikti kórgen, olardyń nómirleri tirkelmegen eken.

«Kólikti tintý barysynda olarǵa belgisiz bireýler qarsylyq kórsetken. Sonyń saldarynan bir ınspektordyń jaǵy synyp, al ekinshi ınspektor bas-súıek jaraqatyn alyp, birshama ýaqyt aýrýhanada es-tússiz jatqan. Alaıda, dárigerler ekinshi ınspektordyń ómirin saqtap qala almady. Oqıǵa ornynda quqyq qorǵaý organdarynyń toby tergeý isin júrgizetin bolady», - deıdi baspasóz-hatshysy.

Aıta keteıik, atalmysh oqıǵaǵa baılanysty QR Qylmystyq kodeksiniń 2 babyna sáıkes qylmystyq is qozǵalyp, kúdiktilerdi qolǵa túsirý jumystary júrgizilýde.