«My je smotrım ı govorım – vaý, Kajdyı chelovek hochet v jıznı – vaý».

Bul – Shymkent qalasynyń ákimi Ǵabıdolla Ábdirahymovtyń sózi.

Elimizdegi úshinshi megapolıske ákim bolyp kelgeli Ǵabıdolla Ábdirahymovtyń taǵy aty shyqty. Ońtústikke tán emes áreketterimen eldiń esinde qaldy ol. Eýropa kórgen bala ǵoı, velosıped tepti, qala sheneýnikterin shaıtanarbaǵa otyrǵyzdy. Birer aı bárin avtobýska mingizip, sandaltyp qoıdy. Sóıtip, júrgende ózi «Nur Otanǵa» hatshy bolyp ketti. Elimizdegi úshinshi megapolıst bolǵan kezde qaıtyp keldi, Shymkentke! «Qaıtyp keldi de, halyqty áıelge teńep jiberdi. Endeshe óz sózine qaraı úılestirip aıtaıyq, «Otyrǵan qyz ornyn tabady, qaıtqan malda qaıyr bar». Biraq shymkenttikter «vaý» deı almaıdy, Ǵabıdolla myrza!  Ár shymkenttik «vaý» deýi úshin aldymen halyq taý-taý problemalardan arylýy tıis. Sonda ǵana aınalańda tolǵan jaý bolmaıdy.

Oryssha sóıleıtin qala ákimi ońtústikte kelip, ornyn tapqanmen, qıal men pıarǵa áýes pe dep qaldyq. Ol birnárse aıtqysy keledi. Jasaǵysy keledi. Biraq «buralqy sóz kúlmekke jaqsy» ekenin bile bermeıdi. Qazir búkil áleýmettik jeli qala ákiminiń qarashanyń sońynda aıtqan «vaý», sózine «ólá-á!»  dep jatqan syńaıly. Ákim halyqtyń aldynda júrgesin ne deıtinin aldymen oılanyp alýy kerek. İsi men sózi qabyspasa, ońtústikte  onyń pikiri osylaı mazaqqa aınala beredi.

Ońtústik qaımaǵy buzylmaǵan qazaqy óńir. Sondyqtan Ǵabıdollanyń ǵıbrat sózi qulaqqa kirýi úshin onyń ózi eń aldymen ońtústiktiń ulttyq  mentalıtetin boıyna sińirýi kerek. Qazaqy minez, qazaqy bolmys bolmaǵan jerde halyq áıelge teńeledi. Ár adam ákimshe aıtsaq, «vaý» turmysty izdeıdi. Al mundaı jaǵdaıdy kim jasaıdy? Qazaqy óńirde oryssha sóıleıtin ákim be?

... Al ákim halyqqa isimen jaqyn bolǵany durys. Kúlmekke jaqsy buralqy sózimen emes.