11 qańtar, juma kúni Palata ókilderiniń múshesi Týlsı Gabbard 2020 jyly AQSH prezıdenttigine ózin úmitker etip usyndy.

«Men saılaýǵa túsemin dep sheshtim, kelesi aptada resmı málimdeme jasaımyn», - dedi kongres múshesi CNN jýrnalısine bergen suhbatynda.   

Irak soǵysynyń ardageri Gabbard qazirgi ýaqytta Palata músheleriniń syrtqy ister komıtetiniń múshesi. Ol Samoada dúnıege kelgen alǵashqy amerıkalyq ári Kongrestegi ındýıstik senimdegi alǵashqy áıel.

«Mundaı sheshimge kelýimniń sebebi kóp. Búginde Amerıka halqynyń basyna qara bult úıirilgen, qıyndyqtan shyǵa almaı otyr. Munyń bári meni de alańdatady. Qıyndyqtardyń sheshilýine kómekteskim keledi, - dedi ol suhbat barysynda. Buǵan qosa eldegi densaýlyq salasy, klımattyń ózgerýi jáne qylmystyq quqyq reformasy máselelerin de tilge tıek etti.

«Álemdi alańdatyp otyrǵan mańyzdy másele bar, ol – soǵys jáne beıbitshilik. Osy taqyrypta sóz qozǵap, máseleni sheshý joldaryn qarastyratyn kúndi asyǵa kútip júrmin», - dedi Gabbard.

2015 jyly Gabbard Demokratıalyq partıa ulttyq komıtetiniń vıse-tóraǵa laýazymy qyzmetin atqaryp júrgende  ol sol kezde basshy bolǵan Debbı Vasserman-SHýlsti synǵa aldy. Sebebi Shýls 2016 jyly prezıdenttikke úmitkerler úshin pikirtalastyń nebári alty kezeńin ǵana ótkizdi. Keıin Gabbard vıse-tóraǵa qyzmetinen ketip, senator Bernı Sanderstiń basty jaqtaýshysy boldy, onyń kez kelgen ekonomıkalyq baǵdarlamasyn qoldap júrdi.

Kongreste Gabbard shet memleketterdiń saıasatyna aralasýǵa qarsy shyqty. Biraq onyń 2017 jyly sırıalyq dıktator Bashar Asadpen kezdesýi halyqtyń synynan ushyrady.

«Alǵashynda Bashar Asadpen kezdesýdi josparlamaǵan edim. Alaıda múmkindikti qoldan jibermeý kerek boldy. Onyń ústine mańyzdy bolaryn bildim. Bizdi Sırıa halqynyń jaǵdaıy shyn mánisinde alańdatady emes pe, olaı bolsa, qajet adammen kezdesý – bizdiń mindetimiz. Eń bolmaǵanda, tatýlyq úshin osylaı kúreseıik», - degen edi Gabbarl 2017 jylǵy suhbatynyń birinde.

Gabbard prezıdent Donald Tramppen kúresýge birneshe demokrat daıyndady.

Jańa jyl qarsańynda shtat senatory Massachýsets Elızabet Ýorren 2020 jyly ótetin prezıdent saılaýyna qatysý úshin komıtet quratyny jaıly habarlady. Sonymen qatar, burynǵy turǵyn úı qurylysy jáne qalany damytý mınıstri Djýlıan Kastro da komıtet quryp, jaqyn arada josparymen tanystyratynyn málim etti.

Budan bólek shtattyń birneshe senatory aldaǵy ýaqytta komıtet quryp, josparlarymen bólisetin bolady.