Bas prokýror Qaırat Qojamjarov Qaraǵandy oblysynda "Ohotzooprom" mekemesiniń ınspektorlaryna shabýyl jasaý isin jeke baqylaýyna aldy. Bul týraly búgin Bas prokýrordyń orynbasary Andreı Lýkın málimdedi, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. 

"Atalǵan fakti boıynsha Bas prokýror oqıǵany jeke óziniń baqylaýyna aldy. Polısıa departamenti aýyr qylmys jasaǵan kúdiktilerdi anyqtaý boıynsha jedel izdestirý sharalaryn júrgizip jatyr", — dedi Lýkın.

Buǵan qosa, ol İİM ortalyq apparatynyń bir top qyzmetkeri jergilikti polıseılerge kómek kórsetý úshin Qaraǵandy oblysyna attanǵanyn málimdedi. 

"Taıaý arada qylmystyń ashylatynyna senimdimin. Kináli adamdar anyqtalyp, qamaýǵa alynady", — dedi Bas prokýrordyń orynbasary. 

Lýkın kúdikti kim bolsa da, qylmystyq jaýapkershilikten qutyla almaıtynyn atap ótti. 

"Adam ólimi – kez kelgen jaǵdaıda otbasy úshin, aınalasy úshin tragedıa. Bas prokýror da, İshki ister mınıstri de atalǵan isti baqylaýyna alǵanyna sendirgim keledi. Kúdikti kim ekenine qaramastan, ol qylmystyq jaýapkershilikke tartylyp, Qylmystyq kodekske sáıkes jazaǵa kesiledi", — dep sendirdi Lýkın. 

Eske sala ketsek, 13 qańtarda Qaraǵandy oblysy Nura aýdanynyń aýmaǵynda brakonerler "Ohotzooprom" mekemesiniń  ınspektorlaryna shabýyl jasady. Inspektorlar kúdik týǵyzǵan avtokólik pen qujattardy teksergeli jatqanda, brakonerler olarǵa qarsylyq kórsetken.

Eki ınspektor da aýyr jaralanyp, Astana aýrýhanasyna jetkizildi. Qyzmetkerlerdiń biri birneshe saǵattan keıin jan tapsyrdy. Al keshe keshke ekinshi ınspektordyń kóz jumǵany belgili boldy.