Bul týraly «Nur Otan» partıasy Tóraǵasynyń Birinshi orynbasary Astanadaǵy «GreenTAL» áleýmettik sheberhanasynyń jumysymen tanysý barysynda aıtty.

Sheberhanaǵa arnaıy kelgen Máýlen Áshimbaev áleýmettik bastamalardy damytý Memleket basshysynyń tapsyrmasy ekenin aıtty.

– Elbasy Qazaqstan halqyna arnaǵan Joldaýyndamúmkindigi shekteýli jandarǵa júıeli qoldaý kórsetý jáneolar úshin kedergisiz orta qalyptastyrý týraly aldymyzǵanaqty mindetter qoıdy. Soǵan baılanysty partıamyzbelsendi áreket etip, naqty jumystardy qolǵa aldy, – degen ol «Kedergisiz keleshek» partıalyq jobasy aıasynda «Nur Otan» tarapynan atqarylyp jatqan jumystarǵa nazar aýdardy.

Qazirgi tańda múmkindigi shekteýli jandardy jumyspenqamtý qoǵamymyzdaǵy eń ózekti máselelerdiń biri ekeni sózsiz. Sol sebepti, elimizdiń bas partıasy osy máseleni tıimdi sheshýdiń ozyq úlgilerin qarastyryp, utymdy joldaryn qolǵa almaq.

– Árıne, múmkindigi shekteýli azamattar memleketten tıisti járdemaqy alady. Degenmen, olardyń arasynda jumysqa qabiletti jáne eńbekke aralasqysy keletinderi barekenin eskerýimiz kerek. Sondyqtan olardyń qosymsha tabys taýyp, ómir súrý sapasyn arttyrýyna laıyqty jaǵdaı jasalýy tıis. Osy máseleni ońtaıly sheshý úshin áleýmettik kásipkerliktiń bereri mol dep esepteımin, – dedi Máýlen Áshimbaev.

Osyǵan oraı «Nur Otan» «GreenTAL» kompanıasynyń tájirıbesiniń Qazaqstannyń ózge óńirlerinde de iske asyrylýyna yqpal etýdi kózdep otyr. Atalǵan áleýmettik sheberhana osydan tórt jyl buryn kásipker Emın Askerovtiń bastamasymen ashylǵan. Onda múmkindigi shekteýli jandardy oqytyp, jumysqa ornalastyrýǵa qajetti jaǵdaı jasalǵan. Sheberhana Psıhıkalyq densaýlyqtyń medısınalyq ortalyǵy janyndaǵy Psıhoáleýmettik ońaltý ortalyǵynda ornalasqandyqtan, mundaǵy qyzmetkerlerdiń basym bóligi sozylmaly mentaldi aýytqýshylyqqa shaldyqqan jandar.

Búginde sheberhanada temir, aǵash, dánekerleý, tigin jáne bezendirý sehtary, kórkemóner stýdıasy, sondaı-aq, tıpografıa jumys isteıdi. Sondaı-aq taıaýda munda daıashy, barmen jáne as úı qyzmetkerlerin daıarlaıtyn trennıg-kafede óz jumysyn bastady.