Nurlan Saýranbaev prezıdent ákimshiligi memlekettik baqylaý jáne aýmaqtyq-uıymdastyrý jumysy bóliminiń meńgerýshisi bolyp taǵaıyndaldy, – dep habarlady Qamshy.kz aqparat agenttigi Aqordanyń baspasóz qyzmetiniń deregine súıenip.  

"Memleket basshysynyń ókimimen Nurlan Ermekuly Saýranbaev Qazaqstan Respýblıkasy prezıdentiniń ákimshiligi memlekettik baqylaý jáne aýmaqtyq-uıymdastyrý jumysy bóliminiń meńgerýshisi bolyp taǵaıyndaldy", — dep jazylǵan habarlamada.

Ol 2017 jyldyń qarashasynan 2018 jyldyń maýsymyna deıin Shymkent qalasynyń ákimi boldy. 

Saýranbaev 1967 jyly 20 mamyrda týǵan, bilimi joǵary, mamandyǵy – ekonomıs.

1990 jyldary "Eńbek" kompanıasyn basqardy, Qazaqstannyń kásipkerler kongresiniń atqarýshy dırektory bolǵan. 

2011 jyldan 2014 jylǵa deıin ındýstrıa jáne jańa tehnologıalar vıse-mınıstri qyzmetin atqardy. Keıinirek   qorǵanys mınıstriniń orynbasary bolyp taǵaıyndaldy.

2017 jyldyń aqpan aıynan bastap EKSPO-2017 halyqaralyq mamandandyrylǵan kórmesin ázirleý jáne ótkizý máseleleri jónindegi shtabtyń uıymdastyrý komıtetiniń basshysy laýazymyn ıelendi.