Qazaqstan Respýblıkasynyń Joǵarǵy soty «Arqankergen» oqıǵasyna qatysty isti qaıta qaraý týraly ótinishti talqylaıdy, dep habarlaıdy Qamshy.kz aqparat agenttigi  Zakon.kz saıtyna silteme jasap.

Buǵan deıin de 2014 jyldyń 4 aqpanynda Joǵarǵy sotta qylmystyq ister jónindegi qadaǵalaýshy sot alqasynyń Chelahtyń ózine qatysty sot aktilerin qaıta qaraýdy suraǵan ótinishin talqylaý jóninde otyrys belgilengen bolatyn. Al, 2013 jyldyń qyrkúıeginde Joǵarǵy sottyń qadaǵalaýshy alqasy Chelah isine qatysty úkimdi, apelásıalyq jáne kasasıalyq ınstansıalardyń qaýlysyn ózgerissiz qaldyrǵan bolatyn. 

Ómir boıyna bas bostandyǵynan aıyrý jazasy taǵaıyndalǵan Vladıslav Chelah Qazaqstannyń Joǵarǵy sotyna adam quqyqtary jónindegi BUU komıtetiniń kúshine engen sheshiminen keıin qaıta shaǵym túsirgen.

"Osyǵan baılanysty Joǵarǵy sot kollegıasy onyń isin 2019 jyldyń 22 qańtarynda qaıta qarap shyqpaq" , - dep habarlady vedomstvo ókilderi. Anyqtalǵandaı, sottalǵan azamat sot otyrysynda bolmaıdy. Onyń sebebi ázirge belgisiz.

Eske sala keteıik, «Arqankergen» shekara beketinde jappaı kisi ólimi 2012 jyldyń 30 mamyrynda boldy. Órtengen shekara turaǵynyń ornynan 14 shekarashy men bir ormanshynyń máıiti tabylǵan edi. Arada birshama ýaqyt ótkende kúdikti retinde shekarashy sarbaz Vladıslav Chelah ustaldy. Sol jyldyń jeltoqsan aıynda sot oǵan qatań tártiptegi kolonıada ómir boıy otyrý jazasyn taǵaıyndady. Qaıǵyly oqıǵa qurbandarynyń týystary áýeli Chelahtyń otbasynan shyǵyn talap etýdi bekingenimen, keıin bul talap aryzdaryn qaıtyp aldy. Qazaqstandyqtar arasynda bul oqıǵaǵa qatysty tergeý nátıjelerine kúmánmen qaraıtyndar áli de kóp.