Elimizde alǵash ret “Jas qalamger” atty stýdentter arasyndaǵy balalarǵa arnalǵan áńgime jazý saıysy ótedi.

 İ.       Jalpy erejeler

1.     Osy ereje Qazaqstan Respýblıkasynda alǵash ret uıymdastyrylyp jatqan “Jas qalamger” atty stýdentter arasyndaǵy balalarǵa arnalǵan áńgime jazý saıysynyń maqsaty men mindetterin, uıymdastyrý jáne ótkizý tártibin belgileıdi.
2.     “Jas qalamger” saıysy “Astana kitap” baspasynyń uıymdastyrýymen 2019 jyly qańtar aıynyń 15-i men aqpan aıynyń 20-sy aralyǵynda  ótkiziledi.

İİ.      “Jas qalamger” saıysynyń maqsaty men mindetteri:

-         memlekettik tildiń qoldaný aıasyn keńeıtý;

-         balalar ádebıetiniń damýyna úles qosý;

-         stýdentter arasyndaǵy jas qalamgerlerdiń shebirligi men shyǵarmashylyq qabiletin shyńdaý;

-         jastardyń qazaq halqynyń tiline, ádebıetine, salt-dástúrine, tarıhy men mádenıetine degen qyzyǵýshylyǵyn arttyrý.

İİİ.     “Jas qalamger”  saıysyn uıymdastyrý jáne ótkizý tártibi.

1.    “Jas qalamger” atty áńgime jazý saıysyna stýdentter qatysa alady.
2.    Saıysqa qatysýshylar tómendegi silteme boıynsha tirkelýi kerek.

http://tiny.cc/zhasqalamger

2.1. Jazylǵan áńgimelerdi kazybekshukirbekuly@gmail.com osy poshtaǵa jiberý kerek.

2.2. 3 bólimdi de bir .docx-ke terip, jiberý kerek. Jazylý tártibi (shablon) men Bólimderdiń erejeleri,taqyryptar tómende kórsetilgen.

3. “Jas qalamger” atty áńgime jazý saıysy 3 bólimnen turady.

Qatysýshy 3 bólimniń de erejelerine sáıkes áńgime jazýy tıis. Talap tolyq oryndalmaǵan jaǵdaıda qatysýshy saıystan shyǵarylady.

4. Jazylǵan áńgimelerdi “Astana kitap” baspasy avtordyń aty-jónin saqtaı otyryp, óńdeýden ótkizip, qoldaný quqyǵyna ıe bolady.

“Jas qalamger” saıysynyń bólimderi jáne olarǵa tıisti talaptar.

        İ bólim

-        Áńgime berilgen taqyryp boıynsha jazylady.

-        Áńgime kólemi 300-500 sóz aralyǵy bolýy tıis.

-        Áńgime jazý barysynda tek jaı sóılemder ǵana qoldanylýy qajet (birińǵaı múshelerdi qoldanýǵa bolady).

-        Áńgime 1-3 synyp oqýshylarynyń deńgeıine sáıkes jazylýy kerek.

         İİ bólim

-        Áńgime berilgen taqyryp boıynsha jazylady.

-        Áńgime kólemi 800-1500 sóz aralyǵy bolýy tıis.

-        Áńgime jaı sóılemder men salalas qurmalas sóılemderdi qoldaný arqyly jazylýy tıis (sabaqtas qurmalas sóılem men aralas qurmalas sóılem qoldanýǵa bolmaıdy).

-        Áńgime 4-5 synyp oqýshylarynyń deńgeıine sáıkes jazylýy kerek.

          İİİ bólim

-        Áńgime berilgen taqyryp boıynsha jazylady.

-        Áńgime kólemi 2000-2300 sóz aralyǵy bolýy tıis.

-        Áńgimede jaı sóılemderdi, salalas qurmalas jáne sabaqtas qurmalas sóılemderdi qoldanýǵa bolady.

-        Áńgime 6-7 synyp oqýshylarynyń deńgeıine sáıkes jazylýy kerek.

TAQYRYPTAR

•        Ózim týraly
•        Mektep
•        Otbasy
•        Dostyq
•        Qorshaǵan álem
•        Saıahat
•        Salt-dástúr
•        Aýyz ádebıeti
•        Taǵam
•        Densaýlyq
•        Týǵan jer
•        Tabıǵat
•        Qundylyqtar
•        Ýaqyt
•        Óner
•        Ataqty tulǵalar
•        Demalys
•        Merekeler
•        Mádenıet
•        Mamandyqtar
•        Ǵarysh álemi
•        Bolashaqqa saıahat

1. IV. “Jas qalamger” atty stýdentter arasyndaǵy balalarǵa arnalǵan áńgime jazý saıysyn qorytyndylaý jáne jeńimpazdardy marapattaý

1.      Saıysqa qatysqan stýdentter arasynan úzdik jas qalamgerler irikteledi.
2. Dárejeli oryndar anyqtalady.

                            İ oryn - bireý.

                            İİ oryn - bireý.

                            İİİ oryn - bireý.

3.      Dárejeli oryn alǵan jas qalamgerler baǵaly syılyqtar men aqshalaı marapatqa ıe bolady.
4.      Jeńip shyqqan jas qalamgerler “Astana kitap” baspasynyń qazaq tili bólimine jumysqa shaqyrylý múmkindigine ıe bolady.