Tomas Djefferson: "Kofe – órkenıetti eldiń eń súıikti sýsyny",- degen eken. Álemde mıllıondaǵan adamdar kúnine bir márte bolsyn, qoıý kofe ishýdi ádetke aınaldyrǵan. Biraq, olardyń kópshiligi kofeniń densaýlyqqa paıdasyna kúmánmen qarap jatady. Qamshy.kz aqparat agenttigi oqyrmandardy súıikti sýsynynan bas tartpaýǵa shaqyrady. Endeshe kofeniń densaýlyqqa, jalpy ómir saltyna qanshalyqty paıdasy bar ekenin bile júrińiz.
Ekinshi tıpti dıabettiń qaýiptiligin azaıtady
Bul aýrý ınsýlın garmonynyń jetispeýshiliginen paıda bolatyn qandaǵy qant deńgeıiniń artýymen sıpattalady. Jarty mıllıon adam qatysqan 18 meta-taldaýdyń qorytyndysy boıynsha kofe dıabettiń aldyn-alýǵa kómektesetini anyqtalǵan. Kúnine 3-4 shyny kofe ishý atalǵan derttiń qaýiptiligin azaıtady.
Alsgeımer aýrýynyń aldyn alady
Bul — álemdegi eń keń taraǵan neırodegeneratıvti aýrý. Ǵalymdar osy dertke qarsy kofeniń tıimdiligin anyqtaý maqsatynda kóptegen zertteýler júrgizgen. Zertteý qorytyndysy kofe ishý osy aýrýdyń yqtımaldyǵyn 65%-ǵa azaıtatynyn kórsetti. Bul nátıjege qol jetkizý úshin kúndelikti 3-5 shynyaıaq kofe ishý kerek.
Baýyr isiginiń qaterin azaıtady
Kofe bizdiń baýyrymyzǵa óte jaqsy áser etedi. Zertteýler kórsetkendeı, kofeni jıi ishetinderdiń 80 paıyzy baýyr sırrozyna shaldyqpaǵan. Osy sebepten, kofe baýyr obyryna shaldyǵý qaýpin de tómendetedi.
Parkınson aýrýyna shaldyǵý qaýipin azaıtady
Bul – eresek adamdarda bolatyn sozylmaly aýrý. Ortalyq júıke júıesiniń nemese ortańǵy mıdyń neırondarynyń búlinip nemese ólip qalýynan paıda bolady. Jańa zertteýler kúnine úsh kese kofeni ishý arqyly Parkınson aýrýynyń qaýipin 29%-ǵa azaıtýǵa bolatynyn dáleldedi.
Depressıa men sýısıdqa beıimdilikti joıady
Depressıa – álemdegi eń qaýipti psıhıkalyq aýrýlardyń biri. Zertteý nátıjelerinde kofeni jıi ishetinderdiń ishinde depressıaǵa shaldyqqandardyń sany ózgelerge qaraǵanda 20 paıyzǵa az bolǵan. Al kofe ishkishterdiń sýısıdke barý yqtımaldylyǵy 55 paıyzǵa tómendegen.
Kofe adam jasyn uzartady
Kofe quramyndaǵy antıoksıdanttardyń áserinen aǵzadaǵy jasýshalardyń qartaıýyn baıaýlatady. Kofe adam jasyn uzartyp, qartaıǵanda bolatyn ártúrli aýrýlardyń aldyn alady.
Usynǵan: Baljan HALYQ
