Elbasy N. Á. Nazarbaevtyń Joldaýynda Qazaqstan halqyna birinshi kezektegi mindet - ulttyń básekege qabilettilik faktory retinde bilim deńgeıin arttyrý bolyp tabylady. Sondyqtan, búgingi tańda qazirgi zamanǵy talaptarǵa jáne álemdik standarttarǵa sáıkes keletin ulttyq bilim berý júıesin qurýdyń mańyzdy problemasy qoıylyp otyr.
Qazirgi Densaýlyq saqtaý júıesinde meıirger isi mamandary Densaýlyq saqtaý qyzmetterinde qoǵamdy qanaǵattandyrý úshin mańyzdy kadrlyq resýrstary men naqty múmkindikteri bar mańyzdy quramdas bóligi bolyp qalady.
Qazaqstan Respýblıksy Densaýlyq saqtaý salasyn damytýdyń 2016-2019 jyldarǵa arnalǵan "Densaýlyq" memlekettik baǵdarlamasyna sáıkes, sondaı-aq 2019 jylǵa deıin QR-da meıirger isin damytýdyń Keshendi josparyn iske asyrý sheńberinde Meıirger isi mamandaryn daıarlaýdy jetildirý, meıirgerlerdiń rólin kúsheıtý, olarǵa birqatar ókilettikter berý, halyqaralyq standarttarǵa baǵyttalǵan meıirgerlik qyzmettegi mamandardy daıarlaýǵa qoıylatyn talaptardy arttyrý boıynsha sharalar keshenin ótkizý kózdelgen.
2019 jylǵy 25 qańtarda "Medısına, farmasevtıka" beıini boıynsha oqý - ádistemelik birlestiginiń "Tehnıkalyq jáne kásiptik, orta bilimnen keıingi bilim berýdi jetildirýdiń jańa tásilderi" máselesi boıynsha otyrysy ótkiziledi.
Oqý-ádistemelik birlestiktiń otyrysynda orta medısınalyq jáne farmasevtıkalyq bilim berýdi damytý bolashaǵy, 2019-2024 jyldarǵa arnalǵan Qazaqstan Respýblıkasynyń Densaýlyq saqtaý salasyndaǵy adamı kapıtaldy damytý konsepsıasy jobasy, "Tehnıkalyq jáne kásiptik, orta bilimnen keıingi bilim berýdi jańǵyrtý" jobasyn júzege asyrý Jol kartasy jóninde talqylaý jáne pikir almasý josparlanýda. Modýldik - quzyrettilik tásil negizinde tehnıkalyq jáne kásiptik, orta bilimnen keıingi bilim berý boıynsha oqý josparlary men baǵdarlamalaryn ázirleýge jańa tásilderdi qalyptastyrý, oqytýdyń kredıttik tehnologıasyn engizý jáne "World skills" halyqaralyq chempıonaty týraly.
Oqý - ádistemelik birlestik otyrysynyń jumysyna QR Densaýlyq saqtaý mınıstri m.ǵ. d., profesor Birtanov Eljan Amantaıuly, QR Densaýlyq saqtaý mınıstriniń Keńesshisi, m. ǵ. k., Sydykova Saýle İlıasqyzy, QR DSM Densaýlyq saqtaýdy damytý respýblıkalyq ortalyǵynyń medısınalyq bilim berýdi damytý bóliminiń basshysy, m. ǵ. k., Baıǵojına Zaýre Alpanovna, "Kásipqor" Holdıńi ÚEAQ, p. ǵ. k., Dalabaev Janat Qýanyshuly, Almaty qalasynyń meıirgerler qaýymdastyǵynyń ókilderi, Qazaqstannyń 70 medısınalyq kolejderiniń dırektorlary qatysty.
Mınıstr óz sózinde Qazaqstan úshin BMSK jetildirý densaýlyq saqtaýdy damytý men reformalaýdaǵy basty baǵyttardyń biri bolyp tabylatynyn jáne ol óz kezeginde tehnıkalyq jáne kásiptik, orta bilimnen keıingi bilim berýdi jańǵyrtýǵa qoıylatyn jańa talaptardy aıqyndaıdy. Densaýlyq saqtaý júıesin jańǵyrtý POQ jáne klınıkalyq bazalardyń medısınalyq kadrlarynyń kásibı deńgeıine, sondaı-aq bilim berý uıymdarynyń praktıkalyq bazalarmen ózara qatynastaryna baılanysty meıirgerler qyzmetkerlerin daıarlaýdyń jańa tásilderin talap etedi.
Oqý - ádistemelik birlestik otyrysynyń qorytyndysy boıynsha halyqaralyq deńgeıge baǵyttalǵan Qazaqstan Respýblıkasynda meıirgerlik qyzmetti odan ári damytýǵa baǵyttalǵan hattamalyq sheshim daıyndalady.
2019 jyly 26 qańtarda "Qazaqstannyń medısınalyq kolejderi odaǵy" ZTB men bilim berý jáne densaýlyq saqtaý sapasyn qamtamasyz etý jáne akredıtteý ortalyǵy yntymaqtastyǵy týraly Memorandýmdy iske asyrý sheńberinde meıirgerlik bilim berýdi akredıtteý boıynsha sarapshylardy oqytý semınary ótkiziledi, oǵan Qazaqstannyń memlekettik jáne memlekettik emes medısınalyq kolejderiniń dırektorlary qatysady.
