2019 jyldyń 23 qańtarynda Tarazdyq shekara bólimshesi «Jasórken» shekara beketine qarama-qarsy tusta Qyrǵyz Respýblıkasynyń shekara qyzmetkerleri 10 jylqyny Qyrǵyzstannan Qazaqstanǵa alyp kirip, tártip buzbaq bolǵan 3 qylmyskerdi qolǵa túsirdi. Bul jaıynda Qamshy.kz aqparat agenttigi UQK baspasóz qyzmetiniń deregine súıene otyryp habarlaıdy.

«Qylmyskerlerdi qolǵa túsirý barysynda olar sýyq qarýmen qarsylyq kórsetken. Jaǵdaıǵa baılanysty Qyrǵyz shekara qyzmetkerleri oq atýǵa májbúr boldy. Sonyń saldarynan bir qylmyskerge oq tıip, qalǵan ekeýi jylqylarmen birge Qazaqstan aýmaǵyna qashyp ketken.

Búgin saǵat 12:15 shamasynda oq tıgen qylmysker Talas aımaǵyndaǵy aýrýhanaǵa barar jolda kóz jumdy», - delingen habarlamada.

Belgili bolǵandaı, kóz jumǵan qylmysker Qazaqstan Respýblıkasynyń azamaty eken.

Qazir bul iske qatysty Taraz shekara qyzmetkerleri shekarany buzyp qashyp ketken qylmyskerler men jylqylardy izdeýde.

Aıta keteıik, qaza tapqan qazaqstandyq azamat osy ýaqytqa deıin QR Qylmystyq kodeksiniń 192 baby – QR shekarasyn zańsyz kesip ótý – boıynsha sotty bolǵan.