Memleket tarapynan qoldaýlar kóp kórsetilýde. Biz sony baǵalaı bilip, der kezinde áreket jasaı bilýimiz kerek. Men Qazaqstandaǵy eń jas rektorlardyń birimin. Qazir jastardy qoldaý saıasaty óte úlken kúsh alyp jatyr. Mádenıet, óner bolsyn Konservatorıada talantty jastar óte kóp. Qazir biz oblystardaǵy qanshama ónerli jastardy ózimizge tartyp, solardan úlken kásibı maman daıarlaýǵa kúsh salyp jatyrmyz. Halyq mýzykasy fakúlteti, vokaldyq óner bolsyn aýyldan kelgen jastardy, birinshi kýrstyń stýdentterin akademıalyq utqyrlyq baǵdarlamasy aıasynda shetelge jiberip, biliktiligin arttyrýdy bastap kettik. Biz búgin stýdentterdiń sapaly bilim alýyna barlyq jaǵdaıdy jasaýymyz kerek. Óıtkeni, olar óte kreatıvti, biz jastarmen sanasýymyz qajet. Bizdiń ýnıversıtette jastarmen júmys isteıtin bólim bar. «Mende ıdeıa bar, osy isti júzege asyraıyqshy» dep jalyndap turǵan stýdentter kelse, biz olardy tyńdap, olarmen birge jumys jasaımyz. Jastar jalqaýlanbaý kerek. Búkil jaqsylyq olardyń ózine baılanysty. Ýnıversıtet basshylyǵy tarapynan biz «sózi men isi birge júretin isker» jastardy qoldaýǵa daıynbyz.