Almaty qalasynda arnaıy operasıa júrgizý barysynda UQK Taıaý Shyǵys elderine áskerı avıasıalyq tehnıkany zańsyz alyp ótpek bolǵan qylmystyq topty quryqtady, dep málimdedi QR UQK baspasóz qyzmeti Qamshy.kz aqparat agenttigine.

«Alynǵan málimetter boıynsha QR azamattary quramyndaǵy qylmystyq top birqatar shet memleketterdiń áskerı áýe kemelerine ornatylatyn avıasıalyq qural-jabdyqtardy elden zańsyz alyp ketpek bolǵan. Atalmysh tehnıkanyń somasy 122 myń dollardy quraıdy. UQK-de atalǵan faktige qatysty QR QK 286-babynyń 2-bóligi boıynsha qylmystyq is qozǵaldy», - delingen habarlamada.

 Departamenttiń málimetinshe, 16 qańtarda tergeý sharalary barysynda áskerı qural-jabdyqtardyń basqa elge tasymaldaýǵa daıyndalyp jatqany anyqtaldy. Qylmysqa qatysy bar tulǵalar ustalyp, Almaty qalalyq mamandandyrylǵan sotymen tergeý ızolátoryna qamaýǵa alyndy.

Búginde bolǵan oqıǵaǵa baılanysty tergeý jumystary jalǵasýda.

Daıyndaǵan: Nazerke Labıhan