Almaty oblysynda Ulttyq ulannyń sarbazy basyna tapanshamen oq atqan. Bul jaıynda Qamshy.kz aqparat agenttigi Ulttyq ulannyń "Ońtústik" óńirlik qolbasshylyǵynyń baspasóz qyzmetiniń málimetine súıene otyryp jazady.

Uzynaǵashtaǵy áskerı bólimde jas sarbaz basyna oq atyp, sonyń saldarynan oqıǵa ornynda qaza tapty.

Tergeý isine sáıkes, 23 qańtar kúni Astana ýaqytymen saǵat 01:35 shamasynda jas sarbaz qyzmet barysynda aýyr jaraqat alǵan.

-İshki qaraýylda qyzmette turǵanynda qatardaǵy jaýynger Qojan Ulasbek Kenjebekuly basyna urysqa arnalǵan qarýdan oq atyp, sol jerde qaza tapty. Ol 2018 jyldyń maýsym aıynda Qorǵanys departamentiniń shaqyrtýymen áskerge kelgen bolatyn, - delingen habarlamada.

Qazirgi ýaqytta atalmysh oqıǵaǵa baılanysty tergeý jumystary jalǵasýda.

Daıyndaǵan: Nazerke Labıhan