Avatar aýystyrý boıynsha event-joba jalǵasyp jatyr. Bul týraly Qazaqstan halqy assambleıasy «Jańǵyrý joly» respýblıkalyq jastar qozǵalysynyń tóraǵasy Maksım Spotkaı málimdedi. 

«Keshe Qazaqstandaǵy Jastar jylynyń ashylý saltanatynda bastalǵan jáne jastardyń Memleket basshysynyń bastamalaryn qoldaýǵa baǵyttalǵan avatar aýystyrý boıynsha aksıamyz óz jalǵasyn tapty. Endi bul jumysty tek eki jastar uıymy - «Jańǵyrý joly» men «Jas Ulan» júrgizbeıdi. «Jas Otan» jastar qanaty, «Bolashaq» qaýymdastyǵy, Qazaqstan stýdentteri alánsy jáne ózge de uıymdar óz saıttarynda avatar úshin freımdardy ornalastyrýda. Jalpy alǵanda, aksıa qanatyn keńge jaıdy. Endi ózimiz de qansha jas qazaqstandyq azamattyń Prezıdent bastamalaryn qoldaǵanyn naqty aıta almaıtynymyzdy atap ótkim keledi. Sebebi, mysal keltirsek, jastar.inform.kz saıtynda qazirgi kezde esepteýish 88 myń adamdy kórsetip otyrsa, jastar uıymdarynyń saıttarynda esepteýishter joq. Qalaı bolǵanda da, biz qazaqstandyq jastardy bul jobaǵa atsalysýǵa shaqyramyz», - dedi M.Spotkaı.  

Onyń pikirinshe, aksıanyń jalpy qorytyndylaryn bir apta ishinde shyǵarýǵa bolady, degenmen, qazirdiń ózinde jastardyń Prezıdent bastamalaryn qoldaýdyń joǵary deńgeıin kórsetýde.

Eske sala keteıik, sársenbi, 23 qańtar kúni «Jańǵyrý joly» jáne «Jas Ulan» jastar uıymdarynyń bastamasymen, «QazAqparat» HAA-nyń qoldaýymen jańa joba iske qosylǵan. 

Buǵan deıin habarlanǵandaı, Facebook áleýmettik jelisiniń paıdalanýshylary óz avataryn Generation Q paraqshasyna kirip jańarta alady.